«АЛРОСА ИТ» хампаанньа технология араас соруктарын быһаарарга бииргэ үлэлиэхтээх бырайыактары онлайн ньыматынан быһаарда. «АЛРОСА ИТ» трегэр «Стартап эспэдииссийэ Б8» Бүтүн Арассыыйатааҕы куонкурус чэрчитинэн саамай элбэх сайаапка киирбитэ. 83 сайаапкаттан түмүктүүр питч—сиэссийэҕэ 20 бырайыак талыллыбыта, онтон сэттэтэ түмүккэ таҕыста.
edersaas.ru
Түмүккэ (финалга) тахсыбыт бырайыактар:
— “Алмазоискатель” (Иркутскай куорат ) — сыаналаах таастары уонна металлары көрдүүргэ уонна сыаналыырга ПО;
— BaseTracK (Москва куорат) — пилотнайа суох (беспилотный) технологиялары оҥоруу;
— “Digit платформа” (Новосибирскай куорат) – эрэгийиэн сыыппаралаах кыахтарын көдьүүстээхтик салайар платформа;
— Loginom (Рязань куорат) — анаалыстыыр процесстары олоххо киллэрэр платформа;
— MONQ DigitalLab (Москва куорат) — ИИ улахан чахчыларын анаалыстааһыҥҥа олоҕуран, процесстары өйдөөхтүк салайар платформа;
— «Диспетчеризация систиэмэтэ» (Тула куорат);
— «Оҥорон таһаарыы көдьүүһүн үрдэтии иһитиннэрэр-анаалыстыыр систиэмэтэ” (Москва куорат).
“Маннык ньыманан үлэҕэ – биһиги бастакы үөрүйэхпит. Бу ньыма саамай аныгы технологиялары уонна быһаарыылары таларга кыаҕы биэрэр. Түмүктүүр треккэ бэлиэтэммит хампаанньалары кытары хайдах бииргэ үлэлиири билигин номнуо өйдөөтүбүт. Биһиэхэ чопчу биисинэс-кейстэр бааллар, кинилэри кытары үлэлиэххэ сөп, – диэн “АЛРОСА” АХ ПАО ИТ (информационнай технологиялар) дириэктэрэ Максим Каданцев бэлиэтээн эттэ.
«Биһиэхэ бу трек ордук суолталаах. Саха сирэ – акционер, “АЛРОСА” хампаанньа Кэтээн көрөр сэбиэтигэр киирэр. Хампаанньа өрөспүүбүлүкэ бүддьүөтүн биллэр-көстөр чааһын оҥорор. Онон, биһиги “АЛРОСА” сайдыан уонна күүһүрүөн баҕарабыт. Онуоха бэйэбит өттүбүтүттэн көхтөөхтүк кыттыахпытын сөп» – диэн СӨ Инновацияҕа, сыыппара сайдыытыгар уонна инфокоммуникационнай технологияларга миниистирэ Анатолий Семенов санаатын эттэ.
Lienda уонна «Оҥорон таһаарыы көдьүүһүн үрдэтии иһитиннэрэр-анаалыстыыр систиэмэтэ” бырайыактар хамаандалара “Б8” Акселератор кэлэр сүүмэрдэһинин иккис түһүмэҕэр тахсар кыаҕы ыллылар. Оттон Bootman.one, BaseTracK уонна Loginom бырайыактар үрдүк технологиялар Уһук Илиҥҥи пуондалары кытары бииргэ үлэлииргэ ыҥырылыннылар.
Быйыл дойдуга дьаҥ уустук балаһыанньатынан сибээстээн, “Стартап эспэдииссийэ Б8” куонкуруһу онлайн-ньыматынан ыыппыттара кыттааччылар географиялара биллэ кэҥииригэр тириэртэ. Куонкуруска сайаапкалар РФ 34 эрэгийиэнигэр 40 куораттан киирдилэр. Бастакы «Стартап эспэдииссийэ» 2019 сыл алтынньы-ахсынньы ыйдарыгар сирэй көрүҥүнэн ыытыллыбыта.
«Саха сирэ» хаһыакка, edersaas.ru саайтка анаан
«АЛРОСА» АХ пресс-сулууспата.