АЛРОСА уонна Үүнэр көлүөнэ пуондата – САССР тэриллибитэ 100 сылыгар

Бөлөххө киир:

Уус Алдан улууһун Бороҕон сэлиэнньэтигэр В.В.Никифоров-Күлүмнүүр аатынан Култуура киинин тутуу саҕаланна.

edersaas.ru

Эбийиэк тутуллуутун “АЛРОСА” АК (ПАО) СӨ Үүнэр көлүөнэ пуондатын нөҥүө баҕа өттүнэн үбүлүүр.

Хампаанньа тиэхиньиичэскэй отделын кылаабынай исписэлииһэ Ньургун Дьячковскай иһитиннэрбитинэн, эбийиэги тэхиниичэскэй чинчийии түмүктэннэ уонна бэлэмнэнии үлэлэрэ саҕаланнылар.

Эбийиэк тутуллар сиригэр тутуу матырыйааллара аҕалылыннылар. 16 киһиттэн турар биригээдэ үлэни саҕалаата. Кинилэр ортолоругар 2 инженернэй-тиэхиньиичэскэй исписэлиис уонна 1 геодезист бааллар. Тутуу былаһааккатыгар 2 тиэхиньикэ – автокыраан уонна фронтальнай погрузчик үлэлиир.

Санатар буоллахха, Үүнэр көлүөнэ тус сыаллаах пуондата уонна “РДР Групп” тутуу хампаанньата туһааннаах дуогабары быйыл кулун тутарга түһэрсибиттэрэ. “АЛРОСА” АХ (ПАО) кытары 2011-2020 сылларга бииргэ үлэлээбит кэмнэригэр алмаастаах хампаанньа (аахсыйаларын 33% өрөспүүбүлүкэ бас билиитигэр баар) үбүгэр Саха сирин араас муннугар 30-тан тахса бастакы уочараттаах социальнай эбийиэк тутулунна.

Бороҕон сэлиэнньэтигэр Култуура киинин тутуу 2022 сылга, Саха сирин норуоттарын VIII спортивнай оонньууларыгар уонна САССР тэриллибитэ 100 сылыгар түмүктэнэрэ былааннанар,

АК «АЛРОСА» (ПАО) пресс-сулууспата, “Саха сирэ”, edersaas.ru

+1
0
+1
0
+1
0
+1
0
+1
0
+1
0
+1
0