АЛРОСА Сүлдьүкээргэ уу ыраастыыр ыстаансыйаны үлэҕэ киллэрдэ

АЛРОСА Мииринэй улууһун Сүлдьүкээр нэһилиэгэр иһэр ууну ыраастыыр саҥа ыстаансыйаны үлэҕэ киллэрдэ. Бу туһунан хампаанньа пресс-сулууспата иһитиннэрэр.

«Саҥа уу ыраастыыр ыстаансыйаны олус кылгас кэм иһигэр туруордулар. АЛРОСА хапытаалынай туутууну ыытар салалтатын исписэлиистэрэ таҥнылар уонна үлэҕэ киллэрдилэр. Станция «Новый» сопхуос балаансатыгар киирсэр. Сайын устата бэрэбиэркэлиир режимҥэ үлэлээтэ», — диэн «Новый» совхоз дириэктэрэ Сергей Корнилов тириэрдэр.

Ыстаансыйа үлэҕэ киириэн иннинэ санэпидстанция лабораториятыгар уу хаачыстыбатын лабораторнай анаалыһа ыытыллыбыт. Чинчийии уу үрдүк хаачыстыбалааҕын бигэргэппит. АЛРОСА салалтата ыстаансыйаны нэһилиэк дьаһалтатын балаансатыгар босхо биэрэр туһунан быһаарыы ылыллан, докумуоннары бэлэмнээһин үлэтэ бара турар.

Сүлдьүкээр нэһилиэгэ Мииринэй куораттан 120 килэмиэтир тэйиччи турар. Нэһилиэнньэтин ахсаана 340 киһиэхэ тэҥнэһэр. Сүлдьүкээргэ АЛРОСА «Новый» сопхуоһун 2 №-дээх отделениета үлэлиир.

nvk-online.ru сайтан.

#саха_нких_сонуннара