70 сыл анараа өттүгэр, атырдьах ыйын 7 күнүгэр, Сунтаар улууһун Кириэстээҕэр Саха сирин бастакы алмааһа көстүбүтэ. Бу үөрүүлээх бэлиэ түгэнинэн сибээстээн, бастакы алмаас кыырпаҕын булбут дьон сыдьааннара — оҕолоро, сиэннэрэ, аймахтара муһуннулар.
edersaas.ru, Ньургуяна Харчасова
Атырдьах ыйын 7 күнүгэр «Ким да умнуллубат, туох да умнуллубат!» диэн лозуннаах Кириэстээх нэһилиэгин олохтоохторо алмааска тиэрдибит ыллыгынан айаннаатылар. Сыллар-хонуктар ааһаллар. 1949 сыллаахха Григорий Файнштейн салайааччылаах Амакинскай экспедиция кыттыылаахтара алмаас кыырпаҕын булбуттара. Бастакы алмаас Кириэстээх нэһилиэгиттэн 4 биэрэстэлээх сиргэ — Соколинайга көстүбүтэ.
Кириэстээх олохтоохторо оччолорго сирдьитинэн, кыра үлэҕэ, тутууга үлэлээбит дьон ааттара устуоруйаҕа хаалбатылар диэн хом санаалаахтар. Көрсүһүү кэмигэр мустубут дьон Саха сиригэр бастакы алмаас көстүбүт күнүн бэлиэ күн быһыытынан ылынарга туруорсалларын эттилэр.
edersaas.ru, Ньургуяна Харчасова, Сунтаар
+1
+1
+1
+1
+1
+1
+1