«Алмаасэргиэнбаан» ипотекаҕа ыстаапкатын түһэрдэ

Бөлөххө киир:

Алмаасэргиэнбаан” “Уһук Илин ипотекатынан” 0,6%-ҥа, бааҥҥа хамнастарын ылар дьоҥҥо 0,1%-ҥа диэри ыстаапкатын түһэрдэ. Маннык кыра бырыһыаннаах ипотекаҕа сайаапканы алтынньы 21 күнүттэн ахсынньы 31 күнүгэр диэри биэриэххэ сөп.

Саха сиригэр, Владивостокка уонна Хабаровскайга тутулла турар дьиэлэр “Алмаасэргиэнбааҥҥа” аккредитацияны ааспыттара. Онон бу куораттарга эмиэ дьиэ атыылаһыахха сөп.

Саҥа тутулла турар дьиэлэртэн ураты, өссө “Уһук Илин гектаара” бырагырааманан ылбыт учаастакка дьиэ туттуохха, ону тэҥэ, тыа сиригэр бэлэм дьиэни уонна кыбартыыраны атыылаһыахха сөп.

Бырагыраамаҕа 36 саастарын туола илик кэргэнниилэр, эбэтэр, 36 сааһын туола илик аҥаардас төрөппүт хапсаллар.

Сиһилии информацияны www.albank.ru саайтка билсиэххэ сөп.

Ангелина Васильева, “Саха сирэ” хаһыат, edersaas.ru

Хаартыска: sakhagov.ru

+1
0
+1
0
+1
0
+1
0
+1
0
+1
0
+1
0