Сунтаарга билиҥҥи туругунан 4259 массыына докумуонунан бигэргэнэн улууспутугар баара биллэр. Суоппардары үөрэтэр икки үөрэх кыһата үлэлиир.
edersaas.ru, Мария Кобельянова
Бүлүүчээн уонна Сунтаардааҕы технологическай колледж. Колледж сыллата 300 киһини «А»,»В»,»С»,»Д» категорияларга үөрэтэр. «А» категория — 7000 солк., «В» категория — 32050 солк., «С» переподготовка — 15000 солк., «Д» переподготовка — 18000 солк.
Онтон эһиил Аллыҥаҕа автооскуола арыллара күүтүллэр. Бу сайын Аллыҥа — Тойбохой икки ардыгар турар аспаал оҥорор собуот аттыгар автодром тутулларыгар сир бэриллэн, бетон ууруллубута. Маны аллыҥалар бэйэлэрин уоллара, урбаанньыт Гаврил Саввинов иилээн-саҕалаан үлэлэтэр. Табылыннаҕына, тыраахтары ыытарга кытта үөрэтэр буолуохтара. Дьэ оччоҕо, ыччаттар суоппар идэтин баһылаан суол хаһаайыстыбатын, бырамыысыланнас, тыа хаһаайыстыбатын эйгэлэригэр үлэлиир кыахтаныахтара. Аллыҥалар маладьыастар!
Хаартыска интэриниэттэн туһанылынна.
edersaas.ru, Мария Кобельянова