Сунтаарга кулун тутар 10-11 күннэригэр С.А. Зверев — Кыыл Уолун аатынан норуот айымньытын киинигэр өрөспүүбүлүкэҕэ Ийэ, Сунтаар улууһугар Дьиэ кэргэн сылларынан сибээстээн, «Олоҥхо дойдутун оһуордаах оонньуута» улуустааҕы фольклор бэстибээлин чэрчитинэн «Саха төрүт ыала – 2022» улуустааҕы дьиэ кэргэн күрэһэ ыытылынна. Бу туһунан Сунтаартан култуура салаатын начаалынньыга Мария Кобельянова иһитиннэрдэ.
— Улуус 16 мааны ыаллара кыттыыны ыллылар. Күрэскэ кыттыбыт дьиэ кэргэттэри өйүүллэрин, нэһилиэктэрин чиэстээхтик көмүскээбиттэринэн кинилэргэ махтаналларын биллэрэн, бииргэ үлэлиир кэллиэгэлэрэ, уруулара-аймахтара, доҕордоро-атастара, нэһилиэктэрин баһылыктара махтал тылларын этэн туран, бэлэхтэрин туттарбыттара долгутуулаах буолла. Холобур, Аллыҥа нэһилиэгин баһылыга Ымычановтар дьиэ кэргэттэригэр убаһа бэлэх уунан үөртэ. Күрэс түмүгэ кулун тутар 18 күнүгэр Сибиэрэп киинигэр култуура үлэһиттэрин идэлээх күннэрин чэрчитинэн «Көмүс куолас» ырыа күрэһин өрөгөй чааһыгар биллиэҕэ, кыайыылаахтар наҕараадалахтаныахтара, — диэн Мария Васильевна эбэн эттэ.
edersaas.ru
+1
+1
+1
+1
+1
+1
+1