Аҕыйах хонуктааҕыта, ол эбэтэр атырдьах ыйын 18 күнүттэн, “СӨ ОДьКХ” ГУП Аллараа Халыматааҕы филиалын сылааһынан хааччыйар эбийиэктэрэ 2021-2022 сыллардааҕы күһүҥҥү-кыһыҥҥы кэмҥэ үлэлэрин саҕалаатылар.
Черскэй бөһ., Зеленай Мыс бөһ., Андрюшкино, Походскай уонна Колымское сэлиэнньэлэргэ бары алта хочуолунай, уунан хааччыйар эбийиэктэр уонна инженернэй тиһиктэр кыстыгы бэлэмнээх көрүстүлэр.
Өрөмүөн бырагырааматынан филиал исписэлиистэрэ Черскэй бөһ. хочуолунайдарыгар носуос тэрилин уларыттылар, Андрюшкино хочуолунайыгар хочуол саҥа оборудованиетын туруордулар. Черскэйгэ, Походскайга, Колымскайга уонна Андрюшкиноҕа инженернэй ситимнэргэ хапытаалынай өрөмүөн ыытылынна. Ыраах сытар учаастактарга оттугу тириэртилэр.
СӨ “ОДьКХ” ГУП пресс-сулууспата
Бэлэмнээтэ Женни Стрюкова
Хаартыска: тустаах саайтан