Эдэрдэри тургутар күрэхтэһии

Ааптар: 
Бөлөххө киир:
Аллараа Халыма оройуонугар хотугу норуоттар Арктикатааҕы кэллиэстэрин былаһааккатыгар «Эдэр профессионаллар» эрэгийиэннээҕи чөмпүйэнээттэрэ тохсунньу 20 күнүгэр түмүктэннэ.
Күрэхтэһии  кыттыылаахтара юниордар, эдэр профессионаллар уонна үөрүйэхтээхтэр диэн үс бөлөҕүнэн арахсан табаһыт-механизатор уонна балыгы астааччы хайысхаларынан ыытылынна диэн СИА иһитиннэрэр.
«Табаһыт-механизатор» хайысхаҕа күрэхтэһээччилэр табаны тутан, көлүйэн, маамыктаны өрөн көрдөрдүлэр, таба сааһын, туругун быһаардылар. Ону сэргэ, кутааны оттууга, хаарынан айаҥҥа, балыгы астааһыҥҥа күрэхтэстилэр. Оҕолор электроннай сыһыарыынан табаһыттар түһэр сирдэрин оҥордулар, ураһа туруордулар«, — диэн хотугу норуоттар Арктикатааҕы кэллиэстэрин дириэктэрэ Елена Антипина кэпсээтэ.
Иккис компетенцияҕа күрэхтэһээччилэр сыалыһары, сордоҥу, күндүөбэйи астаатылар, балык кыстылар.
«Табаһыт-механизатор» күрэскэ юниордарга Виктор Волков бастаата, иккиһи Мария Оттох, үсүһү Анастасия Дьячкова ыллылар. Бу категория призердара бары Халыма орто оскуолатын үөрэнээччилэрэ.
«Эдэр профессионаллар» бөлөххө кыайыылааҕынан Арктика кэллиэһин бастакы кууруһун устудьуона Дмитрий Волков таҕыста. Иккиһи кэллиэс үһүс кууруһугар үөрэнэр Федор Степанов, үсүһү Владимир Оконешников ыллылар. «Навыки мудрых» үөрүйэхтээхтэр күрэстэригэр бастыҥ табаһыт-механизаторынан Виктор Кемлиль буолла. Иккискэ Иван Слепцов таҕыста. «Балыгы астааччы» бөлөххө юниордарга Евгения Березкина кыайыылааҕынан таҕыста, иккискэ Влада Хорошева, үһүскэ Филарет Бережнов тигистилэр. Бары призердар Походскай орто оскуолатын бэрэстэбиитэллэрэ. «Эдэр профессионалларга» Арктическай кэллиэс үһүс кууруһугар үөрэнэр Виктория Козьмина бастаата. Иккис — Мария Нутендли, үһүс — кэллиэс үһүс кууруһун устудьуона Алина Реундью. Балыгы астааһыҥҥа Татьяна Реброва кыайда, Альбина Третьякова иккистээтэ, Римма Тарасова үһүс бириистээх миэстэҕэ тигистэ.
+1
0
+1
0
+1
0
+1
0
+1
0
+1
0
+1
0