Черскэй бөһүөлэгэр Аллараа Халыма улууһун баһылыгын Валерий Сентяков инаугурацията буолла.
Саҥа талыллыбыт баһылыгы Аллараа Халыма уопсастыбаннай тэриллиилэрэ, Валерий Сентяков бэйэтэ салайар Дьүкээгирдэр ассоциацияларын чилиэннэрэ эҕэрдэлээтилэр. Оройуон ытык кырдьаҕастара, актыбыыстара, биир баартыйалаахтара алгыс тылларын эттилэр. Олохтоох салайыныы бэрэстэбиитэлэ Владимир Аржаков оройуон салалтатыгар чаҕылхай уонна күүстээх хаһаайыстыбанньык кэлбитин бэлиэтээн эттэ.
Инаугурацияҕа Валерий Сентяков «Биир ньыгыл Арассыыйа» праймериһигэр кыттыаҕыттан өйөөбүт Доруобуйа харыстабылын миниистирэ Елена Борисова кытынна.
Баһылык Валерий Михайлович Аллараа Халыма олохтоохторо инникилэригэр эрэллээхтик олороллоругар күүһүн, кыаҕын ууруох буолан андаҕайда.
edersaas.ru
+1
+1
+1
+1
+1
+1
+1