Бүгүн, бэс ыйын 15 күнүттэн, «Саха сирин тимир суоллара» АХ пуойаһа Аллараа Бэстээх – Тында хайысхатынан саҥа маршруту аһыахтаах.
Пассажирдары таһар пуойаска Аллараа Бэстээхтэн Владивостокка диэри быһа айанныыр вагоннар барыахтара. Ол курдук Аллараа Бэстээхтэн Тындаҕа диэри пуойас күннэтэ 17:00 чаастан, оттон Тындаттан 10 чаас 19 мүн. айанныаҕа.
Саҥа хайысха олоххо киирэн расписаниеҕа эмиэ уларытыылар киирбиттэр. Айан бириэмэтэ эмиэ кылгаан биэрбит. Аллараа Бэстээхтэн Хабаровскайга диэри 2 суукканан тиийиэххэ сөп. Бу урукку расписаниетааҕар тоҕус чааһынан кыра. Благовещенскайга диэри 1 суукка 17 чаас, Иркутскайга диэри 2 суукка 23 чаас. Оттон Владивостокка диэри айан уһуна 2 суукка 13 чаас.
Сыана туһунан эттэххэ, Аллараа Бэстээхтэн Владивостокка диэри быһа рейс сыаната 7878 солк. Иркутскайга диэри купенан айаҥҥа 8308 солк., оттон Благовещенскайга – 5193 солк.
Билсэр төлөпүөн: 8(4112) 31-80-81.
edersaas.ru
Хаартыска: sakha.gov.ru
+1
+1
+1
+1
+1
+1
+1