Аллараа Бэстээхтэн «Көмө пуойас» айаннаата

Бөлөххө киир:

Бүтүн Арассыыйатааҕы норуот фрона  «Российские железные дороги» ААУо-ны кытта «Көмө пуойас»  диэн  волонтердар, уопсастыбаннай тэрилтэлэр, урбаанньыттар хамсааһыннарын өйүүргэ сананан Донецкай уонна Луганскай  норуодунай өрөспүүбүлүкэлэрин олохтооохторугар гуманитарнай көмө оҥоһулунна.

Пуойас састааба РФ хас биирдии  эрэгийиэниттэн хомуллан,  Москваҕа түмүллүөҕэ уонна Ростовскай уобаласка барыаҕа. Бу тэрээһиҥҥэ Саха сирэ барыта кытынна. Анал пуойаһынан  бородуукта, таҥас-сап, оҕо аһа-үөлэ, электогенератордар тустаах аадырыска тиэрдиллиэхтэрэ.

Үтүө тэрээһиҥҥэ  СӨ  Ил Дарханын  уонна бырабыыталыстыбатын  дьаһалтатын салайааччы Георгий Михайлов, СӨ Уопсастыбаннай палаататын  бэрэссэдээтэлэ  Николай Бугаев, Мэҥэ Хаҥалас улууһун баһылыга  Николай Старостин, “Биир ньыгыл Арассыыйа” баартыйа  Саха сиринээҕи кэмитиэтин  салайааччы Руслан Платонов уонна уопсастыбаннас, устудьуоннар кытыннылар.

Байыаннай эпэрээссийэ саҕаланаатын кытта өрөспүүбүлүкэбитигэр  гуманитарнай көмөнү тэрийии тута саҕаланан барбыта.  Саха сиринээҕи  волонтердары кытары үлэлиир киин баазатыгар  гуманитарнай  көмөнү мунньар анал пуун тэриллибитэ. Аахсыйа саҕаланыаҕыттан барыта 10-тан тахса туонна көмө (бородуукта, таҥас-сап) мунньуллан, Донецкай уонна Луганскай  норуодунай  өрөспүүбүлүкэлэргэ ыытыллыбыта. СӨ бырабыыталыстыбатын дьаһалынан  үп көрүллэрэ быһаарыллан,  7,5 туонна  гуманитарнай көмө тустаах аадырыстарга тиэрдиллибитэ.  Украинаттан тэскилээбит  дьону эрэгийиэннэргэ  олохсуталлар. Саха сирэ итинтэн туора турбат,  көрүллүбүт үбүнэн бытовой тиэхиньикэ атыылаһыллан, Нижней Новгородка тиэрдилиннэ.

Санатар буоллахха, муус устар 19-22 күннэригэр Саха сирин бырабыыталыстыбатын дэлигээссийэтэ  Донецк, Волноваха  уонна Амвросиевскай оройуоҥҥа анаан-минээн сылдьыбыта. Ити сырыы түмүгүнэн Саха сирэ уонна Донецкай норуодунай өрөспүүбүлүкэтэ коммюнике түһэрсибиттэрэ.

+1
0
+1
0
+1
0
+1
0
+1
0
+1
0
+1
0