2020 сыл тохсунньу 30 күнүттэн Аллараа Бэстээхтэн быһа Хабаровскайга диэри нэдиэлэҕэ биирдэ купе хостордоох поезд сылдьыаҕа. Тимир суол сырыытын расписаниета муус устарга диэри оҥоһулунна, онтон сырыы баар буоллаҕына, салгыы уһатан биэриэхтэрэ.
edersaas.ru
Ол туһунан СӨ Тырааныспарга уонна суол хаһаайыстыбатыгар министиэристибэ пресс-сулууспата уонна “Саха сирин тимир суоллара” хампаанньа иһитиннэрэр. Бу хайысханан поезд икки суукка айанныаҕа. Интэриэһиргээбит дьон билиэттэри тохсунньу 24 күнүн кэнниттэн тимир суол каассатыгар, салгын тырааныспарын сүрүн ааҕыныстыбатыгар, Арассыыйа тимир суолларын саайтыгар www.rzd.ru атыылаһыахтарын сөп. Билсэр төлөпүөн: 8 (800) 775-00-008 (Арассыыйа иһигэр босхо), (924) 870-63-43.
«Саха сирэ» хаһыат, edersaas.ru
+1
+1
+1
+1
+1
+1
+1