Аллараа Бэстээххэ “Парус” спортивнай комплекс үлэҕэ киирдэ...
· - Олох-дьаһах

Аллараа Бэстээххэ “Парус” спортивнай комплекс үлэҕэ киирдэ

Бүгүн Аллараа Бэстээх бөһүөлэгэр Тимир Пинегин аатынан бассейннаах, чугаһынан ханна даҕаны ханыыта суох “Парус” спортивнай комплекс үлэҕэ киирдэ.

edersaas.ru

Үөрүүлээх тэрээһиҥҥэ: “Дойду бэрэсидьиэнэ Владимир Владимирович Путин олоххо киллэрбит национальнай бырайыагын “Спорт – норма жизни” федеральнай бырагырааматынан, Саха сирин тыатыгар аан бастакытын бассейннаах, улахан инфраструктуралаах, саалалаах маннык улахан спортивнай комплекс үлэҕэ киирэр. Букатын соторутааҕыта эрэ, сыыспат буоллаххына 2019 сыл ыам ыйыгар, тутуута саҕаламмыта. Балтараа сыл иһигэр кыаллыа суох курдуга эрээри, биһиги тутааччыларбыт соругу толордулар”, — диэн Ил Дархан Айсен Николаев бэлиэтээтэ. Итиэннэ спорка үгүс үгэстэрдээх Мэҥэ Хаҥалас улууһа, спортсменнара инникитин даҕаны Саха сирин, дойдуну ааттата туралларыгар эрэллээҕин биллэрдэ. Спортивнай комплекс үлэҕэ киириитэ салгыы эти-сиини эрчийии, спорт сайдыыта саҥа кыаҕы, күүһү биэриэҕин эттэ. “Мантан Олимпиада, аан дойду, Европа, Азия, Арассыыйа чөмпүйүөннэрэ тахсыахтара” – диэн эрэнэрин иһитиннэрдэ. Итиэннэ спорт тэрилин ылалларыгар анаан 500 тыһыынча солкуобай суумалаах сэртипикээти туттарда.

Үс мэндиэмэннээх спортивнай комплекс чахчы баараҕай тутуу. Ол курдук, 3,5 тыһыынча кв. миэтэрэ иэннээх. Улахан универсальнай спортивнай саалалаах, 2 басейннаах, тренажернай, араас көрүҥнэринэн дьарыктанар саалалардаах.

 

Людмила ПОПОВА, “Саха сирэ” хаһыат, edersaas.ru

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

7 − 4 =