Аллараа Бэстээххэ бастакы кэтэх биисинэс-инкубатор аһылынна

Ааптар: 
Бөлөххө киир:

Атырдьах ыйын 26 күнүгэр Саха сирин Ил Дархана Аллара Бэстээххэ бастакы кэтэх оҥорон таһаарар паарка арыллыытыгар сырытта.

Айсен Николаев бу бэлиэ түгэн Мэҥэ Хаҥаласка эрэ буолбакка, өрөспүүбүлүкэҕэ бүттүүнүгэр улахан суолталааҕын бэлиэтээтэ. “Тыа сиригэр аан бастаан дьоҕус биисинэскэ кэтэх производственнай инкубатор арыллар, бу хампаанньа уонна муниципальнай оройуон көмөлөрүнэн”, — диэтэ кини.

Кэнники сылларга Мэҥэ Хаҥалас улууһа бары хайысхаларынан көхтөөхтүк сайдар, оройуон дьаһалтата дьоҕус урбаан көмөтүнэн көхтөөх бэлиитикэни ыытар.

Ил Дархан этэринэн, тыа сиригэр тыа хаһаайыстыбатын уонна производственнай дьоҕус биисинэһи өйөөһүн нэһилиэнньэ үлэлээх буолуутугар, дохуота үрдүүрүгэр көмөлөһүөҕэ.

Оҥорон таһаарар пааркаҕа, бастакы түһүмэҕэр, тутуу салаатын бородууксуйата оҥоһуллуоҕа. Бу өрөспүүбүлүкэҕэ олус наадалаах. Өрөспүүбүлүкэ баһылыга бу уопуту Саха сирин атын оройуоннарыгар эмиэ туһанарга эттэ.

Оҥорон таһаарар паарка өрөспүүбүлүкэ урбааҥҥа, эргиэҥҥэ уонна туризмҥа министиэристибэтин, Мэҥэ Хаҥалас улууһун дьаһалтатын уонна “Связь-Эксперт” ХЭТ кэтэх партнер өйөбүллэринэн тэрилиннэ. Бу тэрилтэ 1696 кв. м производственнай дьиэни биэрбит.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата

Андрей Сорокин хаартыската, СИА

Бэлэмнээтэ Женни Стрюкова

+1
0
+1
0
+1
0
+1
0
+1
0
+1
0
+1
0