Аллайыахаҕа күнү көрсүү сиэрэ-туома буолла. Бу үгэскэ кубулуйбут бырааһынньыкка дьон тоҕуоруһа муһунна.
Женни СТРЮКОВА, «Саха сирэ» хаһыат, edersaas.ru
Эр дьон маамыкта быраҕыытыгар, хотугу ыстаныыга күрэхтэстилэр. Юрий Неустроев уонна Алексей Ефимов тэҥнээхтэрин булбатылар. «Хотугу бүлүүдэ!» куонкуруһугар Екатерина Ильина бастаата, иккис миэстэҕэ Чокуурдаах биэнсийэлээхтэрэ, үһүскэ Ищук Наталья таҕыстылар. Ас быыстапкатыгар кыттыбыт Тамара Степаненко, Елизавета Саввинова, Нюргустана Бережнова, Русскай Устье биэнсийэлээхтэрэ, «Олененок» оҕо саадын кэлэктиибэ сертификаттары ылан, үөрүү бөҕө буоллулар. Бастыҥ балыксыттар, чулуу үлэһиттэр улуус уонна Арктика департаменын наҕараадаларын туттулар.
Дьэ, ол кэнниттэн Россия киинэтин сылыттан Экология сылыгар эстафетаны туттардылар. Анна Слепцова киинэ сылын түмүктээн баран Экология диэн суруктаах таас статуэтканы улуустааҕы айылҕа харыстабылын инспекциятын начаалынньыга Татьяна Стрюковаҕа туттарда. Татьяна Гаврильевна улуус олохтоохторун айылҕа харыстабылыгар анаммыт бары тэрээһиннэргэ көхтөөхтүк кытталларыгар ыҥырда.
Ити кэннэ Чокуурдаах бөһүөлэгин баһылыга Тупсарыы сылын эстафетатын Ыччат сылынан Альбина Яковлеваҕа туттарда. Уонна олохтоохтор астына дуоһуйа кэнсиэр көрдүлэр.
Күнү көрсүү хайдах һээдьэтэ суох буолуоҕай? Альбина Дуткина, Галина Трайзе, оскуола оҕолоро таһаарбыт һээдьэлэригэр олохтоохтор иилэ хабан үҥкүүлээтилэр. Күн тахсан, көтөҕүллэн, үөрүү — көтүү бөҕө буоллулар.
Женни СТРЮКОВА, «Саха сирэ» хаһыат, edersaas.ru