Бүгүн Аллайыаха улууһун Чокуурдах бөһүөлэгэр олорор сэрии уонна тыыл бэтэрээннэригэр үөрүүлээх күн буолла.
edersaas.ru
Дойду Бэрэсидьиэнэ Владимир Путин эҕэрдэ суругун сэргэ, аһы-үөлү бэлэх быһыытынан туттулар. Кэнсиэрбэ арааһа манна баар эбит – эт кэнсиэрбэлэрэ, балык араас кэнсиэрбэлэрэ, минньигэс сакалаат, доруобуйаҕа туһалаах куруппалар, бааҥкалаах ынах арыыта.
Кыайыы 75 сыла чугаһаан, күн аайы бииртэн биир сонун эҕэрдэ. Ол курдук, бэҕэһээ СӨ Ил Дарханын бэлэҕин – мааны сылабаары туппуттара. Уонна долгуйа кэтэспит мэтээллэрин түөстэригэр иилиммиттэрэ. Оттон оройуоҥҥа сулууспалыыр пограничниктар ытык кырдьаҕастарга бу долгутуулаах бэлиэ күнүнэн туттарыллар бэлэхтэргэ кыттыһан, бар дьоннорун үөрдүбүттэр.
Онон ыраах Аллайыахаҕа Кыайыы 75 сыла бу тигинээн кэллэ.
Женни СТРЮКОВА, “Саха сирэ” хаһыат
Хаартыскаҕа Никита Стрюков түһэриитэ.
+1
+1
+1
+1
+1
+1
+1