Аллайыаха бэтэрээннэригэр бэлэхтэр туттарылыннылар...
Олох-дьаһах

Аллайыаха бэтэрээннэригэр бэлэхтэр туттарылыннылар

Аллайыахалар аҕам саастаахтарын үөрдэр, санааларын көтөҕөр туһугар кыһамньыларын уураллар.
Тыыл бэтэрээннэригэр тиһиктээхтик көмөлөһөллөр. Холобур, Саҥа дьылга улуустааҕы бэтэрээннэр сэбиэттэрэ кинилэр тус счеттарыгар үстүү тыһыынча солкуобайы ыыппыт. Улуус дьокутааттарын сэбиэтэ тыыл бэтэрээннэригэр бэлэхтэри туттарбыт.
Улуус дьокутааттарын сэбиэтин бэрэссэдээтэлэ Альберт Местников аҕам саастаах дьоҥҥо ураты болҕомтону уурар наадатын итиэннэ бу кэм ирдэбилинэн буоларын бэлиэтээбит: «Пандемияттан сылтаан Улуу Кыайыы 75 сылыгар анаммыт далааһыннаах тэрээһин кыайан ыытыллыбата. Былааннаммыт элбэх үлэ уларыйарыгар күһэлиннэ«, — диэбит.

Аллайыаха улууһугар тыыл бэтэрээннэрин сэбиэтин бэрэссэдээтэлэ Маргарита Иванова оҥорбут испииһэгинэн, уонтан тахса бэтэрээҥҥэ аадырыстаах көмө оҥоһуллубут.

Икки бакыат бэлэхтэн бииригэр сибиинньэ этэ, иккиһигэр минньигэс кэмпиэт арааһа угуллубут. Маннык ботуччу бэлэхтэн бэтэрээннэр барахсаттар олус үөрбүттэр, долгуйбуттар, бар дьонноругар, дьокутааттарга кыһамньыларын иһин махтаммыттар.

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

восемнадцать − 10 =