Быйыл сайын Аллайыаха улууһугар тымныы соҕус сайын ааһан эрэр. Онон сайын кыра оҕолоохтор, кырдьаҕастар эҥин дьиэлэрэ тымныйбыта, булууһурбута диэххэ сөп.
Хата, өрүү буоларын курдук, таһырдьааҥҥы күн-дьыл туругар олоҕуран, улууска сылааһы эрдэ холбоон абыраатылар. Ол курдук, Чокуурдаахха уонна улуус атын нэһилиэктэрин хочуолунайдарыгар атырдьах ыйын 8 күнүгэр дьиэлэргэ сылаас киирбитэ.
“Онон абыранан аҕай олоробут. Дьиэбит иһэ быр курдук буолла”, — диэн олохтоохтор үөрэллэр. Уонна сыл аайы кыстыгы үрдүк бэлэмнээх көрсөргө кыһанар ОДьКХ улуустааҕы филиалыгар махтаналлар. Оттон оператордарга түбүктээх күннэр саҕаланнылар.
Бэлэмнээтэ Женни Стрюкова
Хаартыска: “СӨ ОДьКХ” ГУП саайтыттан
+1
+1
+1
+1
+1
+1
+1