Аллайыаха улууһун Чокуурдаах сэлиэнньэтигэр бүгүн СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтин улуустааҕы иниспиэксийэтин судаарыстыбаннай иниспиэктэрэ Семен Павлов уопсастыбаннай эколог Иван Рожинныын овцебык оҕотун булан аҕаллылар. Быраҕыллыбыт овцебык оҕотун Чокуурдаахтан 40-ча килэмиэтир тэйиччи сытар Шевелево боротуока таһыттан буллулар.
Иниспиэксийэҕэ этэллэринэн, төрөөбүтэ 3-4 хоммут буолуон сөптөөх. Аттыгар үөр суох, баран хаалбыттар. Олус аччыктаабыт, хачаайы, оҕус ньирэйи, хайыахтарай, хонтуораларыгар бураанынан тиэйэн аҕалбыттар. Бэтэринээри ыҥырбыттар.
Табылыннаҕына, субуотаҕа Дьокуускайга зоопаркаҕа сөмөлүөтүнэн ыытыахтара.
Бэлэмнээтэ Женни Стрюкова
Хаартысканы: иниспиэксийэ ыытта.
+1
+1
+1
+1
+1
+1
+1