Аллайыаха оройуонугар оттук сезона саҕаланна.
Арктика оройуоннарыгар оттук сезона сыыйа саҕаланан эрэр. Бэҕэһээ, атырдьах ыйын 8 күнүгэр, оттук сезонун, үгэс курдук, Аллайыаха оройуона саҕалаата диэн СӨ ОДьКХ уонна энергетикэ министиэристибэтэ иһитиннэрдэ.
Чокурдаахха, Чкаловка, Оленегроскайга, Русскай Устьеҕа уон хочуол сылааһы биэриитин саҕалаабыт. Атырдьах ыйын 10 күнүттэн ардах халаанын кэнниттэн дьиэни-уоту куурдарга Дьааҥы оройуонугар оттук сезонун эрдэлээн саҕалыахтара.
Атырдьах ыйын 15 күнүттэн Анаабырга, Аллараа Халымаҕа, Өлөөҥҥө, Булуҥҥа сылааһы биэрэн барыахтара. Оттон 25 чыыһылаттан Орто Халыма оройуонугар, 28-тан Абыйга, Муомаҕа.
+1
+1
+1
+1
+1
+1
+1