Доруобуйа Маны аах

Аллайыахаҕа, Үөһээ Халымаҕа, Муомаҕа нэһилиэнньэ 80 бырыһыаныттан тахсата быһыыны ылбыт

Ольга Балабкина үс улууска нэһилиэнньэ 80 бырыһыаныттан тахсата быһыыны ылбытын эттэ.

Бу Аллайыахаҕа, Үөһээ Халымаҕа уонна Муомаҕа. Итиэниэхэ бу улуустарга ыалдьыы биирдиилээн буолара бэлиэтэнэрин бүгүн, сэтинньи 19 күнүгэр, вице-премьер, суһал ыстаап салайааччытын солбуйааччы Ольга Балабкина иһитиннэрдэ.
«Вакцинацияны ылыы таһыма төһөнөн үрдүк да, соччонон коронавирустааччы ахсаана аҕыйах уонна ыарыйдахтарына да чэпчэкитик аһараллар. Дьону да сутуйуу намырыыр. Быһыы коронавирустан көмүскүүр онна ыарыыны чэпчэкитик аһарарга көмөлөһөр кыахтаах«, — диир кини.
Кини күн бүгүн 124 киһи ыарахан туруктааҕын, итинтэн 33 киһи ИВЛ аппараатыгар холбонон сытарын эттэ. Реанимацияламмыт 124 ыарыһахтан икки эрэ киһи быһыыны ылбыта биллэрин, атыттар быһыыта суохтарын иһитиннэрдэ.
Коронавируһу (COVID-19) диагностикалыырга, профилактикалыырга уонна эмтииргэ Арассыыйа Доруобуйаҕа харыстабылын министиэристибэтин саҥардыллыбыт быстах быһаарыытын бигэргэтиитигэр, «Спутник Лайт» вакцинаны ревакцинация быһыытынан биэрэргэ этиллибит. 18-ттан үөһээ саастаахтар бастакы быһыыларын кэнниттэн иккистэрин  эбэтэр ыалдьан баран үтүөрбүт дьон, сыл аҥаара буолан баран биирдэ «Спутник Лайт» ылыахтаахтарын туһунан ыйыллар. Балабкина өрөспүүбүлүкэҕэ барыта 49 463 киһи ревакцинацияламмытын этэр.
Коронавируһунан ыалдьыы кыралаан намтыыр.  Роспотребнадзор Саха сиринээҕи управлениетын чахчытынан, кэнники хонукка 281 киһи ыалдьыбыта бэлиэтэнэр. Буоларын курдук, саамай элбэх — 130 киһи Дьокуускай куоракка ыалдьыбыта ыйыллар.
0
0
Telegram @edersaas20