Аллайыахаҕа — “Булчут күнэ -2018”
· - Олох-дьаһах

Аллайыахаҕа — “Булчут күнэ -2018”

Аҕыйах хонуктааҕыта Аллайыаха улууһун Чокуурдаах бөһүөлэгэр “Булчут күнэ – 2018” улуустааҕы V күрэхтэһии ыытылынна.


Бу тэрээһини Н.В.Киселев аатынан спортивнай комплекс уонна улуустааҕы айылҕа харыстабылын иниспиэксийэтэ көҕүлээн ыыттылар. Индигир эбэҕэ ыытыллыбыт күрэхтэһиигэ биэс хамаанда кытынна. Ол
курдук, Чокуурдаахтааҕы РЭС, аэропорт, ЫБММ, ИДьО, ИДьМ бэтэрээннэрэ кииристилэр. Күрэхтэһии кэмигэр итии аһылык тэрилиннэ.
Кыттааччылар биатлоҥҥа, ойбону алларыыга, уоту оттууга, булт харабиныттан сыал ытыыга, ыарахан таһаҕастаах сыарҕаны соһон сүүрүүгэ, спортиҥҥа, ханаат тардыһыытыгар, экологическай викторинаҕа
холоннулар.
Күүстээх киирсии түмүгэр “Чокуурдаах аэропорда” бастаата. Иккискэ – Чокуурдаахтааҕы РЭС, үһүскэ –ЫБММ хамаандата. Экологическай викторинаҕа ИДьМ бэтэрээннэрэ эдэрдэри тулуппатылар. Кыайбыт хамаанда уонна призердар көһө сылдьар Кубогынан наҕараадаланнылар, бириистэри туттулар. Маныаха спонсордар бириистэри туруордулар: “Русское Устье” община (С.А.Суздалов), “Эйвни” община (В.Н.Стрюков), А.Е.Кроль, С.В.Бережнов ИП-лар, “Фактория Чокурдаах” ХПК (А.С.Едукин), ОООиР
(И.В.Иванов), айылҕа харыстабыла (Т.Г.Стрюкова) уонна эргиэнинэн дьарыктанар урбаанньыттар И.Н.Фрис, А.П.Киселев, Г.В.Макарова, Г.В.Гуслева, Е.П.Дудко.
Нэһилиэктэр баһылыктара В.И.Трофимова (Дьүкээгир национальнай нэһилиэгэ), Э.Ю.Рожин (Бөрөлөөх), С.И.Портнягин (Русскай устье) эмиэ бириистэри биэрдилэр. “Биир ньыгыл Россия” баартыйа барыллаан
куоластааһыныгар кыттыбыт хандьыдааттар А.В.Постников уонна И.Н.Ребров сертификаттары бэлэхтээтилэр.
Женни СТРЮКОВА, «Саха сирэ» хаһыат, edersaas.ru
2
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

тринадцать − 12 =