Арассыыйа Ыччатын сойууһун уонна «Россия — страна возможностей» платформа холбоһуктаах бырайыага — «Сыл устудьуона — 2020» Арассыыйатааҕы национальнай бириэмийэ түмүгэ таҕыста.
СӨ үөрэҕин министиэристибэтин пресс-сулууспата иһитиннэрбитинэн, Дьокуускайдааҕы балет оскуолатын устудьуона Алисия Пак «Сыл устудьуона—2020» национальнай бириэмийэ «Сыл айымньылаах киһитэ» анал аатын лауреатынан буолла.
«Сыл устудьуона – 2020» бириэмийэ эрэгийиэннээҕи түһүмэҕэр 15 000 киһи кыттыбытыттан, үрдүк үөрэх кыһаларыгар үөрэнэ сылдьар 600 уонна профессиональнай үөрэхтээһин кыһаларыттан 400 устудьуон финалга тахсыбыттар. Финал ахсынньы 2 — 6 күннэригэр ыытылынна. Саамай көхтөөх, ситиһиилээх кыттыылаахтарынан Ростовскай уобалас, Татарстан Өрөспүүбүлүкэтин уонна Москва устудьуоннара буоллулар.
«Сыл устудьуона» бириэмийэ «Үөрэҕирии» национальнай бырайыак иитинэн ыытыллар.
edersaas.ru
