Сунтаар улууһун «Алгыс» бэтэрээннэр түмсүүлэрэ Сочи куоракка «Планета искусств» аан дойдутааҕы бэстибээлгэ көрөөччүлэр сүрэхтэрин туттулар.
«Алгыс» бэтэрээннэр түмсүүлэрэ инньэ бу сааскыттан Сочига барабыт диэн турунан, ыам ыйын 6 күнүгэр Сочи куоракка тэриллибит «Планета искусств» диэн аан дойдутааҕы бэстибээлгэ түөрт нүөмэринэн кытыннылар. Бэтэрээннэрбит бары күрэхтэргэ бастакы истиэпэннээх лауреат үрдүк аатын ылары ситистилэр.
86 саастаах М.И.Егорова — Тойуктаах Маарыйа олоҥхоттон быһа тардыыны толорон, түһүлгэ дьонун сөхтөрдө. Ол кэннэ кэрэчээн Анна Сергеева кыл кырыымпатын иһитиннэрдэ уонна бүтэһик нүөмэринэн «Чороон үҥкүүтүнэн» бар дьону күндүлээтилэр уонна Лэгэнтэй ырыатын ыллаатылар.
Бу бэстибээл Москва, Санкт-Петербург, Калининград, Сочи куораттарынан тэриллэн, биһиги «Алгыстарбыт» Сочига Саха сирин чиэһин көмүскээтилэр.
Сунтаар, төрөөбүт дойдубут алгыһа — Эһиги!
Эһиги алгыскыт туһаайыта биһиэхэ,
Онтон бу сырыыга биһиги Эһиэхэ алгыспытын аныыбыт!
Мария Кобельянова-Тускулаана, «Эдэр саас» сайтка анаан, Сунтаар.