«Алгыстаах аартык» Дьокуускайы киэргэттэ

Ааптар: 
Бөлөххө киир:

Дьокуускайга Теплай күөл биэрэгин «Алгыстаах аартык» киэргэттэ.

Маннык ураты, сонун санааны оскуола 1990 сыллааҕы выпускниктар эппиттэр. Кинилэр «Алгыстаах аартык» искибиэр бары выпускниктарга, оскуоланы, оҕо саадын, орто анал уонна үрдүк үөрэҕи бүтэрээччилэргэ барыларыгар ананарын бэлиэтээбиттэр.

«Биһиги бырайыакпыт өрөспүүбүлүкэ киин куоратын көстүүтэ уларыйыытыгар кылааты киллэрсэриттэн үөрэбит. СӨ Бырабыыталыстыбатыгар, Дьокуускай куорат дьаһалтатыгар, Архитектура уонна куораты тутуу управлениетыгар, Автодорожнай уокурукка, спонсор «Сантехстрой 2008″ ХЭУо генеральнай дириэктэригэр Андрей Голоковка махтанабыт», — диэн көҕүлүүр бөлөх бэрэстэбиитэлэ, «Выпускники школ ЯАССР 1990» эрэгийиэннээҕи уопсастыбаннай түмсүү бэрэссэдээтэлэ Алексей Петров эппит.

Выпускниктар искибиэрдэрин архитектора Иван Кычкин «Алгыстаах аартык» саҥа олох саҕаланыытын кэрэһитэ буоларын ыйбыт. «Искибиэргэ ураты толкуйдар киллэрилиннилэр. Манна выпускниктар кинилэри күүтэр инники олохторугар анаан сурук суруйан бараннар, анал капсулаҕа угуохтарын сөп», — диэбит архитектор.

Салгыы 1990 сыллааҕы выпускниктар анаан оҥоһуллубут кэм капсулатыгар 2040 сыллааҕы выпускниктарга сурук суруйан укпуттар.

Бу үөрүүлээх күн куорат олохтоохторун Дьокуускай куорат территориялары кытары үлэҕэ департаменын начаалынньыгын солбуйааччы Светлана Кармадонова, Автодорожнай уокурук управлениетын начаалынньыгын солбуйааччы Сахаайа Малышева, уо.д.а. эҕэрдэлээбиттэр.

2021 сылга Автодорожнай уокурук управлениетын биэс бырайыага олохтоох көҕүлээһини өйүүр бырагыраама иитинэн толоруллубуттар. Олор ортолоругар, 102 №-дээх «Подснежник» оҕо саадын спортивнай былаһааккатын эрэһиинэнэн бүрүйүүнү,  ыччат искибиэрин тутууну, о.д.а. ааттыахха сөп.

.Дьокуускай куорат дьаһалтатын пресс-сулууспата

+1
0
+1
0
+1
0
+1
0
+1
0
+1
0
+1
0