Алевтина Аргунова СӨ Үөрэх миниистирин бастакы солбуйааччытынан ананна

Ааптар: 
Бөлөххө киир:

Ил Дархан Айсен Николаев 2022 сыл бэс ыйын 14 күнүнээҕи ыйааҕынан Алевтина Аргунова СӨ Үөрэх миниистирин бастакы солбуйааччытынан ананна.

Алевтина Петровна Аргунова үрдүк үөрэхтээх. 1999 сыллаахха Москва куоракка Ыччат Институтун бүтэрбитэ. 2005 сыллаахха Саха судаарыстыбаннай педагогическай академиятын, 2021 сыллаахха РФ Бэрэсидьиэнин иһинэн норуот хаһаайыстыбатын уонна судаарыстыбаннай сулууспа Арассыыйатааҕы академиятын бүтэрбитэ. Ыччат институтун бүтэрэн баран, Ньурба оройуонугар улуустаааҕы үөрэх управлениетын психологынан, Ньурбатааҕы киэһээҥҥи оскуола дириэктэринэн үлэлээбитэ. 2006 сыллаахха Чурапчытааҕы физическэй култуура уонна спорт судаарыстыбаннай институтун деканынан, 2007 — 2017 сылларга бу институт кэтэхтэн үөрэнии факультетын деканынан, информационнай технологиялар отделларын начальнигынан, гуманитарнай дьссипилиинэ  кафедратын  преподавателинэн үлэлээбитэ.

2017 сыл сэтинньи ыйтан Алевтина Аргунова Ньурба оройуонугар үөрэх управлениетын начальнигынан саҥа дуоһунаска анныар диэри үлэлээбитэ.

Елена ПОТОЦКАЯ, «Саха сирэ» хаһыат.

+1
0
+1
0
+1
0
+1
0
+1
0
+1
0
+1
0