Сүрүн Уопсастыба

Алеша Охлопков — «Саха сирин киэн туттуута»

«Саха сирин киэн туттуута» норуот бириэмийэтин «Хорсун быһыы» номинацияҕа куоластааһын түмүктэнэн, муҥутуур кыайыылааҕынан  Алексей Охлопков буолла  диэн СИА иһитиннэрдэ.
Ньурба оройуонун Маар оскуолатын үөрэнээччитэ хорсун быһыытын иһин 5 тыһыынчаттан тахса куолаһы ылла. Бу сайын алтыс кылаас үөрэнээччитэ Алеша Охлопков Марха куустатын бары нэһилиэктэрин хааччыйар ВЛ-35 электрическэй подстанцияны ойуур баһаарыттан быыһааһыҥҥа хорсун быһыыны көрдөрбүтэ.
Уопсайа бу нэдиэлэ устата номинация финалистарыгар тыһыынчанан киһи куоластаата.
Түмүктүүр  куоластааһын түмүгэ:
Алексей Охлопков — 5477 куолас,
Спиридон Яковлев — 4065 куолас,
Степанида Артахинова — 1231 куолас
Екатерина Вербинская уонна Наталья Воронкина — 238 куолас,
Вячеслав Дьяконов — 32 куолас.
Бу номинацияҕа кыттыбыт дьон бары биһиги кэммит дьоруойдарынан буолаллар, кинилэр хорсун быһыыларынан биһиги киэн туттабыт.

Норуот бириэмийэтин тэрийээччитинэн “Сахамедиа” холдинг буолар. Холдиҥҥа “Саха сирэ”, “Якутия” хаһыаттар, YSIA.RU, Edersaas.ru уонна  Якутия-Daily.ru саайтар киирэллэр.

 edersaas.ru
0
0