Өрөспүүбүлүкэтээҕи уопсастыба доруобуйатын уонна мэдиссиинэ профилактикатын киинин сүрүн бырааһа Алена Никитина социальнай ситиминэн быһа биэрии кэмигэр көрөөччүлэргэ: «Волонтер-медик буоларга медик үөрэҕэ ирдэммэт» — диэн эттэ.
— Биһиги кэккэбитигэр араас үрдүк үөрэххэ үөрэнэр устудьуоннар кыттыһан үлэлии сылдьаллар. Бу дьон кыһалҕатын өйдүүр, көмөлөһөр баҕалаах, эрчимнээх ыччат. Кинилэр дьоҥҥо көмөлөһүөхтэрин уонна бэйэлэрин кыахтарын толору арыйыахтарын баҕараллар, — диэн санаатын үллэһиннэ.
Волонтер-медиктар оҕолору кытта истиҥ сыһыаны олохтоон, үөрэҕи оонньуу көрүҥүнэн ыыталлар. “Оҕолор олус астыналлар. Волонтердары кытта улуустарга тахсан үлэлээтибит, онно оскуола оҕолоро устудьуоннар чөл олох туһунан сырдатар үлэлэрин олус кэрэхсээн истэллэрин бэлиэтии көрдүбүт диир” — Алена Никитина.
«Саха сирэ» хаһыат, edersaas.ru
Хаартыска ЯСИА