Алексей Яковлев улуустарга хоруона хамсыгын утары үлэ туһунан

Бөлөххө киир:

«Саха» НКИХ “Талбан” биэриитигэр СӨ Доруобуйа харыстабылын миниистирин солбуйааччы Алексей Яковлев ыалдьыттаата.

edersaas.ru

Кини бу ыйга улуустарынан сылдьан, суһал ыстааптар үлэлэрин көрдө. Ол түмүгэр, коронавирус дьаҥар улуустарга да дьон сыстара, ыалдьара элбэҕин бэлиэтээтэ. Улуустар суһал ыстааптарын үлэлэрин үчүгэй диэн сыаналаата. Биир кэмҥэ өрүс нөҥүө улуустарга баллоннаах кислородтар тиийбэт буола сылдьыбыттара быһаарыллыбыт. Миниистири солбуйааччы бу күннэргэ улуустарга Дьокуускайтан быраастар тахсыбыттарын иһитиннэрдэ. Манна даҕатан, кини Анаабыр улууһугар быраас тиийбэтин туһунан боппуруос быһаарыллыаҕын эттэ.

Дьиэттэн олорон эмтэнэр дьоҥҥо өрөспүүбүлүкэ саппаас пуондатыттан босхо эмп көрүллүбүтэ бу күннэргэ улуустарынан тарҕаныаҕын иһитиннэрдэ.

Алексей Яковлев коронавируһунан ыалдьыбыт дьону таһарга санитарнай рейстэри оҥорор бөлөх тэриллибитин, ол эрээри, бөртөлүөт хас биирдии улууска баар буолбатаҕынан, сорох ардыгар бытаарыылар тахсалларын эттэ. Оттон коронавируһунан ыалдьан баран үтүөрбүт дьону чөлүгэр түһэрэргэ  Абалаах чөлүгэр түһүү киинэ, «Чэбдик» санаторий үлэлииллэрэ ыйылынна. Ону таһынан, Дьокуускайга эмтиир-физическэй култуура киинэ (центр лечебно-физической культуры)  отут миэстэлээх киини үлэлэтиэ. Маннык тэрилтэлэргэ поликлиникалар уочарат нөҥүө ыытыахтара.

+1
0
+1
0
+1
0
+1
0
+1
0
+1
0
+1
0