Бүгүн Ил Түмэн дьокутааттара, Саха Өрөспүүбүлүкэтин Төрүт Сокуонугар олоҕуран, бырабыыталыстыба бэрэссэдээтэлин, кини солбуйааччыларын уонна биэс миниистири дуоһунастарыгар бигэргэттилэр. Алексей Стручков үсүһүн бастакы вице-премьер дуоһунаһыгар ананна.
Алексей Александрович бу иннинэ 2010 уонна 2016 сыллардаахха бастакы вице-премьеринэн үлэлии сылдьыбыта. Бу үлэлиир сылларыгар экономика блогун салайбыта. Ол иннинэ бырамыысыланнас, экономика миниистирдэринэн үлэлээбитэ. Алексей Стручков – өрөспүүбүлүкэҕэ биир биллэр экономист. Былырыын “Якутскэнергоҕа” генеральнай дириэктэри солбуйааччынан үлэлии барбыта. Оттон быйыл сайын бастакы вице-премьер э.т. анаммыта. Билигин кини саҥа дуоһунаһыгар эмиэ үп, экэниэмикэ, инвестиция боппуруостарынан дьарыктаныаҕа.
Ыспыраапка:
Стручков Алексей Александрович
1967 с. от ыйын 30 күнүгэр Мэҥэ Хаҥалас улууһун Төҥүлү бөһүөлэгэр төрөөбүтэ;
1984-1992 сс. – В.В.Куйбышев аатынан Новосибирскайдааҕы инженернэй тутуу институтун устудьуона;
1986-1988 сс. – ССРС аармыйатыгар сулууспалаабыта;
1988-1991 сс. – “Якутагропромпроект” институт чертежник-конструктора, инженерэ;
1992-1995 сс. – Дьокуускай куорат коммунальнай хаһаайыстыбатын управлениетын кылаабынай исписэлииһэ;
1995-1997 сс. – Дьокуускай к. Муниципальнай хаһаайыстыбатын кылаабынай управлениетын генеральнай дириэктэрин солбуйааччы;
1997-1998 сс. – Биир кэлим сакаасчыт дириэксийэтин генеральнай дириэктэрин солбуйааччы;
1998 с. – Энергетика уонна коммунальнай хаһаайыстыба судаарыстыбаннай кэмитиэтин управлениетын салайааччыта;
1998-2000 сс. – Олох-льаһах, коммунальнай хаһаайыстыба министиэристибэтин управлениетын салайааччыта;
2000-2002 сс. – Экономика министиэристибэтин управлениетын. Департаменын салайааччылара;
2002-2005 сс. – Бырамыысаланнас миниистирин солбуйааччы, бастакы солбуйааччы;
2005-2007 сс. – Бырамыысыланнас миниистирэ;
2007-2010 сс. – Экономика миниистирэ;
2010-2013 сс. – СӨ бырабыыталыстыбатын бэрэссэдээтэлин бастакы солбуйааччы;
2013-2016 сс. – РФ бэрэсидьиэнигэр Саха Өрөспүүбүлүкэтин бастайааннай бэрэстэбиитэлэ;
2016-2017 сс. – СӨ бырабытаалыстыбатын бэрэссэдээтэлин бастакы солбуйааччы-экономика миниистирэ;
2017-2018 сс. – “Якутскэнерго” ПАУо генеральнай дириэктэрин солбуйааччы;
2018 с. бэс ыйыттан – СӨ бырабыыталыстыбатын бэрэссэдээтэлин бастакы солбуйааччы э.т.
Аграфена КУЗЬМИНА, “Саха сирэ” хаһыат.