Саха сирин баһылыга Алексей Стручкову саҥа ананыытынан эҕэрдэлээтэ

Саха сирин Ил Дархана Айсен Николаев Инстаграмҥа Алексей Стручкову “Якутскэнерго” ПАУо генеральнай дириэктэрин дуоһунаһыгар анаммытынан эҕэрдэлээтэ.

Кини Алексей Стручков эппиэтинэстээх дуоһунаска ананыыта кини идэтинэн үрдүк таһымнааҕын уонна киһи быһыытынан үтүө хаачыстыбатын билинии быһыытынан сыаналаата.
Өрөспүүбүлүкэ баһылыга Алексей Стручковка Саха сирин бастакы вице-премьеринэн таһаарыылаах үлэтин иһин махтанна.

“Алексей Александрович бырабыыталыстыбаҕа уһун сылларга үлэлээтэ уонна кини сиһилии билбэтэх экэниэмикэ салаата диэн суоҕа буолуо”, — диэтэ кини.

Айсен Николаев “Якутскэнерго” ПАУо генеральнай дириэктэринэн өр үлэлээбит Александр Слоикка эмиэ махтанна.

Бэлэмнээтэ Женни Стрюкова.