Доруобуйа Уопсастыба

Алексей Лаптев: бэйэбит уонна тулалыыр дьоммут доруобуйаларын харыстыаҕыҥ

Бүтүн Арассыыйатааҕы норуот фронун эрэгийиэннээҕи ыстаабын хос бэрэссэдээтэлэ Алексей Лаптев коронавируһу утары быһыыны маассабай туруоруу туһунан санаатын үллэһиннэ. Бу туһунан СИА иһитиннэрэр.

Алексей Лаптев: «ОНФ исполкома, бары сотрудниктара коронавируһу утары быһыыны ылбыттара. Мин дьиэ кэргэним эмиэ ылбыта. Мин тус бэйэм, хомойуох иһин, соторутааҕыта ыалдьыбытым, ол иһин терапевт быраас быһыыны кэнники ыларбар сүбэлээбитэ. Уопсайынан, киһи тус бэйэтин уонна тулалыыр дьонун доруобуйаларын харыстыахтаах. Бу туһунан куруук өйдүү-саныы сылдьыахха наада», — диэн эттэ.

Өрөспүүбүлүкэтээҕи суһал ыстаап иһитиннэрбитинэн, ыам ыйын 26 күнүнээҕи туругунан, коронавируһу утары бастакы быһыыларын 148 831 киһи ылбыт. Ол иһигэр 35 956 киһи 60 саастарын ааспыттар. Иккистэрин 105 707 киһи ылбытыттан, 60 сааһын ааспыта 26 890 киһи диэн бэлиэтэнэр.

0
0