Алексей Колодезников: «Кыһыҥҥы суолунан таһаҕаһы таһыы түргэтиэн наада»
СӨ Бырабыыталыстыбатын бэрэссэдээтэлин маҥнайгы солбуйааччы Алексей Колодезников хоту уонна киин улуустарга таһаҕаһы тиэйиини суол сабыллыан иннинэ бүтэрин диэн сорудахтаата. Маны таһынан, Дьабарыкы Хайаттан хостонор чох хаачыстыбатын хонтуруолга ылыҥ диэн сорудах биэрдэ.
edersaas.ru
Таһаҕаһы тиэйии биэдэмистибэлэр икки ардыларынааҕы хамыыһыйатын мунньаҕар Нэһилиэнньэҕэ куттала суох буолуутун хааччыйар судаарыстыбаннай кэмитиэт бэрэссэдээтэлин солбуйааччы Дмитрий Местников кэпсээбитинэн, кулун тутар 4 күнүнээҕи көрдөрүүнэн, 767,4 тыһыынча туоннаттан 501,0 тыһыынча туонна тиэйиллибит. Бу уопсай көрдөрүү 65,3%-на. Былырыын бу кэмҥэ 516,5 тыһыынча туонна тиэйиллибит эбит.
Өймөкөөн уонна Томпо улуустарыгар чох тиэйиитэ бытаарда. Ол Дьабарыкы Хайаҕа тиэхиньикэ алдьаммытыттан сибээстээх диэн мунньахха эттилэр. Оттон сорох улуустарга уу суола арыллыар диэри чох тиийиэ суоҕун сөп. Онон, Дьабарыкы Хайа оннугар, Зырянка разреһа чоҕунан Дьааҥы улууһун хааччыйыаҕа. Оттон Сангаардааҕы разрезтан Ньурба улууһугар чоҕу илдьиэхтэрэ.
СӨ Ил Дарханын уонна Бырабыыталыстыбатын пресс-сулууспата
Хаартыска СИА.