Алексей Колодезников: «Биһиги тэрилтэбит Бэс Күөл олохтоохторугар көмөҕө 500 тыһыынча солкуобайы ыытта»
Ойуур баһаарыттан эмсэҕэлээбит дьоҥҥо көмөлөһүөн баҕалаах тэрилтэ да, биирдиилээн да дьон ахсаана элбии турар.
«Сахатранснефтегаз» АУо генеральнай дириэктэрэ Алексей Колодезников инстаграмыгар маннык суруйда: «Бүгүн сарсыарда гаас холбонно. Көмөнү тэрийиигэ биһиги чөлүгэр түһэрии үлэтин чэрчитинэн, гааһынан хааччыйыы бырайыагын оҥорууну саҕалаатыбыт. Сэлиэнньэни чөлүгэр түһэрии суһал ыстаабын кытары бииргэ үлэлиибит. Баһаартан Горнай улууһунааҕы гаас учаастагын силиэсэрэ Афанасий Максимов эмсэҕэлээтэ. Мин бүгүн төлөпүөнүнэн эрийэн, кинини кытары кэпсэтэ сырыттым. Уокка кини дьиэтэ, хаһаайыстыбаннай тутуулара, тиэхиньикэтэ былдьаммыттар. Киниэхэ биһиги 200 тыһ. солк. биэриэхпит, өссө 50 тыһ. солк. гааһы тарҕатар ситим управлениетын маҥнайгы сүһүөх идэлээх сойууһун тэрилтэтэ көрүөҕэ. Эбии материальнай көмө хоромньу ааҕыллыбыт кэнниттэн көрүллүөҕэ. Сарсын мин Бэс Күөлгэ барыаҕым».
edersaas.ru