Бүгүн, атырдьах ыйын 29 күнүгэр, СӨ бырабыыталыстыбатын бэрэссэдээтэлин солбуйааччы Алексей Колодезников салайааччылаах үлэлиир бөлөх Бүлүүлүүр суолга баар ойуур баһаарыгар сырытта.
Бэҕэһээ киэһэ 20:00 чаас туругунан, Дьокуускай куорат сиригэр-уотугар 13,0 га иэннээх сиринэн икки ойуур баһаара бара турар.
«Авиалесоохрана» дааннайдарынан, куоракка бэҕэһээ биир баһаар күөдьүйбүт. Бу туһунан иһитиннэрии 14:15 чааска киирбит. Уот олохтоохтор тыаҕа сэрэҕэ суохтук сырыыларыттан тахсыбыт диэн барыллаан быһаарбыттар.
Баһаары умуруорууга «Лесоохрана», «Якутлесресурс» Дьокуускайдааҕы уонна Хаҥаластааҕы салааларын, Дьокуускайдааҕы парашютнай-баһаарынай сулууспа уонна ЫБММ исписэлиистэрэ үлэлии сылдьаллар.
Дьокуускай таһыгар баар баһаары умулларыыга барыта 63 киһи уонна 16 тиэхиньикэ үлэлиир диэн Ил Дархан уонна бырабытаалыстыба пресс-сулууспата иһитиннэрэр.
edersaas.ru
+1
+1
+1
+1
+1
+1
+1