Алексей Караканов – дьиэ кэргэн пиэрмэтин гранын хаһаайына

Ааптар: 
Бөлөххө киир:

Амма улууһун Соморсун нэһилиэгин олохтооҕо, сылгы иитэр бааһынай хаһаайыстыба баһылыга Алексей Караканов «Дьиэ кэргэн пиэрмэтин сайыннарыы» федеральнай бырагыраама гранын тутта.

Эрдэттэн былааннанан, олохтоохтук оҥостон үлэлиэм диэн, аан маҥнай 2014 сылтан саҕалаан сылгыны иитэр хаһаайыстыба тэриммитим. 2016 сыллаахха саҕалааччы бааһынайдарга анаммыт бырагыраама 1,5 мөлүйүөннээх граныгар тирэҕирэн, база туттубутум, сылгы атыыласпытым. Бастаан сүүрбэччэ сылгылаах буоллахпына, сылгым биэс сыл иһигэр сүүсчэкэҕэ тиийдэ. Мантан 60-а биэ, кэлэр өттүгэр биэм ахсаанын 120-ҕэ тиэрдэр баҕалаахпын. Билигин сүрүннээн I Чакырга базаланан үлэлиибин. Икки үлэһиттээхпин. Нэһилиэктэн 50 км сиргэ баар үрэххэ биир базаны туттар уонна тиэхинькэ, сылгы атыылаһар былааннаахпын. Быйыл 400 туонна оту бэлэмнээтибит. Төрүөх да куһаҕана суох. Сылгыларым оннуларын буллахтарына, аны сүөһү иитиитинэн эмиэ дьарыктанар санаа баар, – диэн кэпсиир Алексей Караканов.

edersaas.ru сайтка анаан Амматтан Алтаана Артемьева.

+1
0
+1
0
+1
0
+1
0
+1
0
+1
0
+1
0