Уус Алдан улууһун баһылыга Алексей Федотов санаатын маннык тиэртэ:
—Аҕыс сыл устатыгар анараа туох буоларын көрө сылдьан, киһи хайдах да аһыммат буолуон табыллыбат. Онно олорор дьоҥҥо, бэйэлэрин дойдулаахтарыгар атаҕастабыллаах сыһыаны, күүс өттүнэн өттөйүүнү, тылы-өһү, култуураны бобууну, ытыалааһыны о.д.а. элбэх кэрээнэ суох быһыыланыыны түргэнник тохтотор наада этэ.
Быһыы-майгы, чахчы, уустук уонна итинник түгэннэргэ, ханна кырдьыгын, ханна сымыйа эбэтэр спам буоларын быһаарар сороҕор уустуктары үөскэтэр. Онуоха биһиги барытын салгыы ыытан, тарҕатан испэккэ, иһитиннэриини сиидэлээн, хос-хос бэрэбиэркэлээн көрө үөрэниэхпитин наада.
Донецкайтан уонна Луганскайтан тэскилээччилэргэ көмөнү хомуйууга, аахсыйаҕа хас бирдии киһини кыттарга ыҥырабын. Дьокуускайга гуманитарнай көмөнү хомуйар пуун тэриллибитэ. Онно ким баҕарар таҥас-сап, ас-үөл аҕалыан сөп. Сиһилии @dobroykt көрүҥ.
Хас биирдии омук кыратыттан-улаханыттан тутулуга суох бэйэтин тылынан саҥарар, бэйэтин культуратын харыстыыр, сайыннарар, үөрэтэр уонна салгыы кэнчээри ыччатыгар иҥэрэр ытык эбээһинэһэ! Ону ким даҕаны күөмчүлүө, бобуо суохтаах!
Аан дойдуга Ил уонна Эйэ эрэ эҥэрдэстин!