Алексей Дьячковскай: «Алмааска аата иҥэриллибит хас биирдии киһи — дьиҥнээх номох»
АЛРОСА өрөспүүбүлүкэҕэ «Саха сирин судаарыстыбаннаһа 100 сылыгар 100 анал ааттаах алмаас» бырайыагынан Социалистическай Үлэ Дьоруойдарын аатынан ааттаммыт алмаастар куоппуйаларын туттарда.
edersaas.ru
2020 сылтан Саха сирин баһылыга Айсен Николаев уонна АЛРОСА хампаанньа көҕүлээһиннэринэн өрөспүүбүлүкэҕэ «Саха сирин судаарыстыбаннаһа 100 сылыгар 100 анал ааттаах алмаас» холбоһуктаах бырайыак олоххо киирэр.
Ахсынньы 21 күнүгэр АЛРОСА генеральнай дириэктэрэ Сергей Иванов Саха Өрөспүүбүлүкэтин баһылыга Айсен Николаевка Сэбиэскэй Сойуус Социалистическай Үлэ Дьоруойдарын ааттара иҥэриллибит 24 алмаас сэртипикээтин уонна куоппуйатын туттарда.
Анал ааттаах алмаастар куоппуйалара мусуойга экспонат быһыытынан туттарыллыахтара.
— «100 анал ааттаах алмаас» бырайыак — өрөспүүбүлүкэ сайдарыгар улахан кылааттарын киллэрбит уонна бэйэлэрин ааттарын Саха сирин устуоруйатыгар үйэлэргэ хаалларбыт уһулуччулаах дьон туһунан өйдөбүнньүк. Айылҕа алмаастарыттан сорҕолоругар эрэ — саамай ураты көрүҥнэригэр кинилэр ааттара иҥэриллэр. Бу — 50-тан тахса карат ыйааһыннаах, ювелирнай хаачыстыбалаах алмаастар. Алмааска аата иҥэриллибит хас биирдии киһи — дьиҥнээх номох. Ити билигин алмааска — үйэлээх тааска үйэтитиллибит номоҕунан буолуоҕа, — диэн АЛРОСА генеральнай дириэктэрин солбуйааччы Алексей Дьячковскай иһитиннэрдэ.
АЛРОСА хостообут алмаастара мантан инньэ Саха сирин уһулуччулаах үлэһит дьонун ааттарын сүгүөхтэрэ:
Алмаас
Колесов Николай Саввич
62,29 карат
2019 сыл тохсунньу 8 күнүгэр «Юбилейнай» баайдаах сиргэ хостоммута
Алмаас Социалистическай Үлэ Дьоруойа, Саха АССР үтүөлээх булчута, Ленин аатынан холкуос, Усуйаана оройуонун «Усуйаана» сопхуос булчута Колесов Николай Саввич чиэһигэр ааттанна.
Алмаас
Горбунов Леонтий Герасимович
61,67 карат
2020 сыл алтынньы 29 күнүгэр «Интернациональнай» баайдаах сиргэ хостоммута
Алмаас Социалистическай Үлэ Дьоруойа, ССРС бочуоттаах шахтера, бочуоттаах полярник Леонтий Герасимович Горбунов чиэһигэр ааттанна.
Алмаас
Васильев
Семён Митрофанович
81,12 карат
2020 сыл ыам ыйын 17 күнүгэр «Юбилейнай» баайдаах сиргэ хостоммута
Алмаас Социалистическай Үлэ Дьоруойа, Хотугулуу-Илиҥҥи совнархоз (Бүлүү улууһа) «Якуталмаз» трест «Мииринэй» руднигын машинист-экскаватора Семён Митрофанович Васильев чиэһигэр ааттанна.
Алмаас
Копырина Анастасия Семёновна
61,04 карат
2020 сыл ахсынньы 5 күнүгэр «Заполярнай» баайдаах сиргэ хостоммута
Алмаас Социалистическай Үлэ Дьоруойа, САССР норуотун хаһаайыстыбатын үтүөлээх үлэһитэ, Уус Алдан оройуонун Заболоцкай аатынан сопхуос ыанньыксыта, зоотехнига Копырина Анастасия Семеновна чиэһигэр ааттанна.
Алмаас
Томилова Раиса Ивановна
56,87 карат
2020 сыл сэтинньи 30 күнүгэр «Удачнай» баайдаах сиргэ хостоммута
Алмаас Социалистическай Үлэ Дьоруойа, ССРС Судаарыстыбаннай бириэмийэтин лауреата, АЛРОСА АХ Мииринэйдээҕи ХБК 3 № байытар фабрикатыгар доводка учаастагын начаалынньыга Томилова Раиса Ивановна чиэһигэр ааттанна.
Алмаас
Яковлев Пётр Ионович
52,73 карат
2019 сыл балаҕан ыйын 21 күнүгэр «Удачнай» баайдаах сиргэ хостоммута
Алмаас Социалистическай Үлэ Дьоруойа, Амма оройуонун «Амма» сопхуос ыанньыксыта, Аҕа дойду Улуу сэриитин кыттыылааҕа Яковлев Петр Ионович чиэһигэр ааттанна.
Алмаас
Семенов Григорий Трофимович
54,60 карат
2020 сыл ахсынньы 3 күнүгэр «Заполярнай» баайдаах сиргэ хостоммута
Алмаас Социалистическай Үлэ Дьоруойа, саха бастакы геологтарыттан биирдэстэрэ, Саха сиригэр геология сулууспатын уһулуччулаах тэрийээччитэ Семенов Григорий Трофимович чиэһигэр ааттанна.
Алмаас
Зайцев Николай Константинович
58,41 карат
2021 сыл тохсунньу 14 күнүгэр «Заполярнай» баайдаах сиргэ хостоммута
Алмаас Социалистическай Үлэ Дьоруойа, Саха АССР Булуҥ оройуонун Тиксии оройуоннааҕы радио-метеокиинин полярнай ыстаансыйатын начаалынньыга Зайцев Николай Константинович чиэһигэр ааттанна.
Алмаас
Шишлянников Михаил Осипович
51,22 карат
2021 сыл кулун тутар 2 күнүгэр «Юбилейнай» баайдаах сиргэ хостоммута
Алмаас Социалистическай Үлэ Дьоруойа, «Якутзолото» трест «Ленинскэй» бириискэ драгера Шишлянников Михаил Осипович чиэһигэр ааттанна.
Алмаас
Кривошапкин Герасим Афанасьевич
56,83 карат
2021 сыл кулун тутар 1 күнүгэр «Юбилейнай» баайдаах сиргэ хостоммута
Алмаас Социалистическай Үлэ Дьоруойа, Саха АССР Өймөкөөн оройуонун «Кыһыл Сулус» холкуос сылгы пиэримэтин сэбиэдиссэйэ Кривошапкин Герасим Афанасьевич чиэһигэр ааттанна.
Алмаас
Власов Иосиф Тимофеевич
50,43 карат
2021 сыл олунньу 16 күнүгэр «Зарница» баайдаах сиргэ хостоммута
Алмаас Социалистическай Үлэ Дьоруойа, Саха сиринээҕи совнархоз «Якутзолото» трест «Ленинскэй» бириискэтин драгер-биригэдьиирэ Власов Иосиф Тимофеевич чиэһигэр ааттанна.
Алмаас
Новолодскай Алексей Борисович
56,26 карат
2021 сыл олунньу 22 күнүгэр «Удачнай» баайдаах сиргэ хостоммута
Алмаас Социалистическай Үлэ Дьоруойа, ССРС бочуоттаах горняга, тутууга саҥаны айааччы Новолодскай Алексей Борисович чиэһигэр ааттанна.
Алмаас
Корнилова Матрёна Матвеевна
57,08 карат
2021 сыл олунньу 20 күнүгэр «Заполярнай» баайдаах сиргэ хостоммута
Алмаас Социалистическай Үлэ Дьоруойа, САССР уонна РСФСР үтүөлээх агронома, Саха сиринээҕи тыа хаһаайыстыбатын научнай-чинчийэр институтун опытнай-производственнай хаһаайыстыбатын агроном-оҕуруотчута Корнилова Матрёна Матвеевна чиэһигэр ааттанна.
Алмаас
Новгородова Екатерина Иннокентьевна
62,60 карат
2021 сыл олунньу 25 күнүгэр «Заполярнай» баайдаах сиргэ хостоммута
Алмаас Социалистическай Үлэ Дьоруойа, Саха АССР Мэҥэ Хаҥалас оройуонун Ленин аатынан холкуос агроном-оҕуруотчута Новгородова Екатерина Иннокентьевна чиэһигэр ааттанна.
Гуляев Прокопий Васильевич
86,00 карат
2021 сыл кулун тутар 28 күнүгэр «Юбилейнай» баайдаах сиргэ хостоммута
Алмаас Социалистическай Үлэ Дьоруойа, Саха АССР Алдан оройуонун А.Косарев аатынан шахта горняга, инструктор-забойщига Гуляев Прокопий Васильевич чиэһигэр ааттанна.
Алмаас
Филиппов Степан Егорович
50,60 карат
2021 сыл кулун тутар 31 күнүгэр «Юбилейнай» баайдаах сиргэ хостоммута
Алмаас Социалистическай Үлэ Дьоруойа, производство бастыҥ үлэһитэ, Дьокуускай куораттааҕы төлөпүөн ситимин үлэһитэ Филиппов Степан Егорович чиэһигэр ааттанна.
Мельников Павел Иванович
93,87 карат
2021 сыл бэс ыйын 6 күнүгэр «Юбилейнай» баайдаах сиргэ хостоммута
Алмаас Социалистическай Үлэ Дьоруойа, САССР уонна РСФСР наукатын үтүөлээх диэйэтэлэ, ССРС НА уонна РНА академига, геологическай-минералогическай наука дуоктара, бэрэпиэссэр Мельников Павел Иванович чиэһигэр ааттанна.
Алмаас
Алексеев Михаил Фёдорович
88,17 карат
2020 сыл ыам ыйын 7 күнүгэр «Юбилейнай» баайдаах сиргэ хостоммута
Алмаас Социалистическай Үлэ Дьоруойа, «Якутстрой» трест 3 № тутар-монтажтыыр управлениетын биир кэлим биригээдэтин биригэдьиирэ Алексеев Михаил Федорович чиэһигэр ааттанна.
Алмаас
Аммосова Матрёна Ивановна
71,33 карат
2020 сыл ыам ыйын 15 күнүгэр «Юбилейнай» баайдаах сиргэ хостоммута
Алмаас Социалистическай Үлэ Дьоруойа, Саха АССР Усуйаана оройуонун «Усуйаана» сопхуос кыыл көрөөччүтэ Аммосова Матрёна Ивановна чиэһигэр ааттанна.
Алмаас
Бочаров Виктор Иванович
63,37 карат
2020 сыл от ыйын 15 күнүгэр «Юбилейнай» баайдаах сиргэ хостоммута
Алмаас Социалистическай Үлэ Дьоруойа, Соҕурууҥу Саха сирин территориальнай-производственнай комплексын тутууга «Якутуглестрой» кэмбинээтин начаалынньыга Бочаров Виктор Иванович чиэһигэр ааттанна.
Алмаас
Андреев Дмитрий Гаврильевич
55,46 карат
2020 сыл ыам ыйын 9 күнүгэр «Юбилейнай» баайдаах сиргэ хостоммута
Алмаас Социалистическай Үлэ Дьоруойа, САССР Сунтаар оройуонун «Элгээйи» сопхуоһун биригэдьиирэ, сүөһү көрөөччүтэ Андреев Дмитрий Гаврильевич чиэһигэр ааттанна.
Алмаас
Барамыгин Николай Константинович
71,32 карат
2020 сыл муус устар 17 күнүгэр «Ньурбатааҕы» баайдаах сиргэ хостоммута
Алмаас Социалистическай Үлэ Дьоруойа, САССР Өлүөхүмэ оройуонун Ф.Энгельс аатынан холкуос биригэдьиирэ, хонуу үлэһитэ Барамыгин Николай Константинович чиэһигэр ааттанна.
Алмаас
Кладкин Василий Михайлович
60,35 карат
2020 сыл балаҕан ыйын 19 күнүгэр «Юбилейнай» баайдаах сиргэ хостоммута
Алмаас Социалистическай Үлэ Дьоруойа, Саха АССР Томпо оройуонун «Томпо» сопхуос дириэктэрэ, табаһыт Кладкин Василий Михайлович чиэһигэр ааттанна.
Алмаас
Богомолов Александр Александрович
82,36 карат
2020 сыл муус устар 16 күнүгэр «Ньурбатааҕы» баайдаах сиргэ хостоммута
Алмаас Социалистическай Үлэ Дьоруойа, гражданскай авиация Саха сиринээҕи территориальнай управлениетын бортмэхээнньигэ Богомолов Александр Александрович чиэһигэр ааттанна.
«Саха сирэ», edersaas.ru сайтка анаан АЛРОСА пресс-сулууспатын суруйуутуттан тылбаас
Андрей СОРОКИН хаартыскалара