Бу күннэргэ батсаап ситимигэр дьикти матырыйаалтан дьэрэкээн өҥнөөх күөрчэх ытыктарын оҥорбуттарын туһунан сонун тарҕаммыта. Ыйыталаһан билбиппит, бу Нам улууһун олохтооҕо Алексей Данилов оҥоһуктара эбит.
Алексей тиис оҥорбута, тиэхиньиктээбитэ 35 сыл буолбут. Аны ураты ньыманан ытык оҥорор эбит. Бу туһунан сэһэргээччим маннык кэпсиир:
— Мин урут Нам улууһугар «Якутмебель» диэн тэрилтэҕэ биэс сыл үлэлээбитим. Онтон үөрэхпин бүтэрэн, идэ ылан, Хатырык нэһилиэгин учаастактааҕы балыыһатыгар 16 сыл устата тиис тиэхиньигинэн үлэлээбитим. Кэлин бу идэбин туппутунан чааһынай тэрилтэ тэринэн, тиис оҥорорбун тохтоппотоҕум.
Бочуоттаах сынньалаҥҥа тахсан баран дьэ, аны уһанар идэбэр эргилинним. Ытык оҥоруутунан дьарыктаммытым уонча сыл буолла.
Бу көрөр дьэрэкээн өҥнөөх ытыктары оҕолор тиистэрин көннөрөр анал аппараат матырыйаалыттан оҥорбутум. Туттарга мас ытыктан туох да уратыта суох. Сакааска да оҥорооччубун.
Ульяна Захарова, edersaas.ru
+1
+1
+1
+1
+1
+1
+1