Александра Архипова: Төрүт Сокуоҥҥа киириэхтээх  уларытыылары ааҕыҥ, үөрэтиҥ

Арассыыйа Төрүт Сокуонугар киирэр уларытыы туһунан тус санаатын «Юные якутяне» өрөспүүбүлүкэтээҕи ресурснай киин сүрүн  мэтэдьииһэ, “Юные якутяне” тэрилтэ идэлээх холбоһугун бэрэссэдээтэлэ Александра Архипова үллэстэр:

— Бу күннэргэ Российскай Федерация Төрүт Сокуонугар  уларытыылары киллэрии туһунан дойдубут дьоно-сэргэтэ элбэхтик кэпсэтэр. Киирэр  уларытыылары билэ, үөрэтэ сатыыр.

Оҕону эбии үөрэхтээһин систиэмэтигэр өр кэмҥэ  үлэлии сылдьар  киһи быһыытынан, оҕо босхо үөрэҕи ылара, кини талаанын сайыннарыы, идэ талыытыгар көмө, уопсастыбаҕа туһалаах киһи буола үүнэрэ Төрүт Сокуоҥҥа чопчу сурулларын баҕарабын. Билигин киирээри турар уларытыылартан оҕону үөрэхтээһиҥҥэ, сайыннарыыга сыһыаннаах ыстатыйалары  өйүүбүн. Оҕо саас сокуонунан харыстанара сөп.

Сахам сирин олохтоохторун, Төрүт Сокуоҥҥа киириэхтээх  уларытыылары ааҕыҥ, үөрэтиҥ диэн сүбэлиибин.

Норуот бэйэтин санаатын биллэриэҕэ уонна  куоластааһынынан Төрүт Сокуоҥҥа киирэр уларытыыны ылыныахпыт диэн эрэнэбин.

Бэлэмнээтэ Ньургуйаана Иванова, “Саха сирэ” хаһыат, edersaas.ru