Александр Сусоев: «Muus uSTAR – Саха сирин өссө биир брендэ буолуохтаах»
Бүгүн, кулун тутар 17 күнүгэр, СӨ Ыччат бэлиитикэтигэр уонна социальнай коммуникацияларга миниистирин бастакы солбуйааччы Александр Сусоев быһа эпииргэ бу ый бүтүүтэ буолаары турар Muus uSTAR ыччат бэстибээлин туһунан сэһэргээтэ.
— Санкт-Петербург «Алые парусатын», Крым «Тавридатын», Тверскэй уобалас «Селигерын» курдук биһиги Muus uSTARr бырайыакпыт эмиэ Саха сирин брендэ, сирэйэ буолуохтаах.
Бырайыактары көмүскүүргэ сайаапкаҕытын кулун тутар 20-гэр диэри тутабыт. Саамай бастыҥнарга бырайыактарын олоххо киллэрэллэригэр грант көрүллэр. Билигин Дьокуускайга ресурснай киин курдуктарга биисинэс-былаан суруйарга буор-босхо көмөлөһөллөр.
Бырайыакка волонтердар наадалар. Бастатан туран, dobro.ru саайтка киирэн, Muus uSTAR бырайыагы булан суруттарыахха сөп. Оттон баҕалаах 250-тан тахса буоллаҕына, сүүмэрдиир куонкуруһу ааһаҕыт.
Виктория Бястинова, «Саха сирэ» хаһыат, edersaas.ru
Сүрүн хаартыска — СИА.