Александр Манжурьев быыстапката аһыллыа

Бөлөххө киир:

Хомус мусуойугар ювелир-худуоһунньук, Арассыыйа худуоһунньуктарын сойууһун чилиэнэ Александр Манжурьев «Үрүҥ күннээх үс дойду — Три мира белого солнца» диэн быыстапката сэтинньи 9 күнүттэн аһыллыа. Быыстапка биир ыйы быһа туруоҕа.


Саха ойуулуур-дьүһүннүүр, прикладной искусствотыгар саҥа сүүрээни киллэрбит Александр Манжурьев үлэлэрэ дириҥ ис хоһоонноохтор. Кини бронзанан, үрүҥ, кыһыл көмүһүнэн, маһынан, сэлии муоһунан уһаныы, күндү таастарынан киэргэтии тиэхиньикэтин дэгиттэр баһылаан, бэйэтэ туспа көрүүлээх, ураты буочардаах худуоһунньук.

Александр Манжурьев —  аан дойдутааҕы, Арассыыйатааҕы, өрөспүүбүлүкэтээҕи  элбэх куонкурустар, быыстапкалар кыттыылаахтара. Кини үлэлэрэ Национальнай художественнай мусуойга, Франция, Германия, Англия, Польша, Индия, Монголия, Кытай, Япония чааһынай коллекцияларыгар бааллар.

Быыстапкаҕа бүтүннүү үрүҥ көмүстэн оҥоһуллубут «Аан Алахчын Хотун» диэн  кэнники улахан үлэтэ  көрдөрүүгэ туруоҕа. Сэтинньи 9 күнүгэр 5 чаастан Хомус мусуойугар быыстапка аһыллыыта буолуоҕа.

Ангелина ВАСИЛЬЕВА, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0