Бүгүн, ыам ыйын 7 күнүгэр, сибээс уонна араадьыйа үлэһиттэрин күнэ.
edersaas.ru
Сибээс үлэһиттэрин идэлээх күнннэригэр уонна 60 сыллаах үбүлүөйүгэр анаан? ыам ыйын 7-8 күннэригэр «Саха» НКИХ сибээс үтүөлээх үлэһитэ, Саха сирэ социальнай-экэнэмиичэскэй сайдыытыгар сүҥкэн кылаатын киллэрбит биллиилээх бэлитиичэскэй уонна уопсастыбаннай диэйэтэл, «Охота и рыбалка в Якутии» биэрии ааптара Александр Борисов кэриэһигэр кини оҥорбут бүтэһик ааптарыскай киинэтэ уонна кини туһунан теле-уочарка көстүөҕэ.
Ол курдук, ыам ыйын 7 күнүгэр 16 чаас 45 мүнүүтэттэн Александр Борисов уолунаан Илья Борисовтыын «Охота и рыбалка в Якутии» уһулбут биэриилэрэ көстүөҕэ.
Ыам ыйын 8 күнүгэр 16 чаас 15 мүнүүтэттэн Александр Борисов туһунан «Человек чести» диэн документальнай киинэ көстүөҕэ. Манна кини дьиэ кэргэнэ, аймахтара, кэллиэгэлэрэ, доҕотторо кыттыыны ылыахтара.
Елена ПОТОЦКАЯ, «Саха сирэ» хаһыат, edersaas.ru
Хаартыска: интэриниэттэн