Айылҕа харыстабыла

Александр Антипин: «Нэһилиэнньэлээх пууннарга ойуур уота суоһаабат»

Уус Маайа оройуонун нэһилиэнньэлээх пууннарыгар ойуур уота суоһаабат.

Өрөспүүбүлүкэтээҕи суһал ыстаап Уус Маайа оройуонугар улахан болҕомтотун уурар. Бүгүн манна ойуур баһаарын утары охсуһар күүстэр, МЧС, ол иһигэр  салгын ааллара уоту умуруораллар.
Уус Маайа оройуонун баһылыга Александр Антипин маннык иһитиннэрдэ: «Ойуур уотун умуруорууга 317 киһи уонна 20 тиэхиньикэ үлэлиир. Уус Маайа оройуонугар МИ-8 икки бөртөлүөт уонна РФ МЧС Бе-200 сөмөлүөтэ үлэлииллэр. Бүгүн, атырдьах ыйын 28 күнүгэр, ойуур баһаарыгар эбии күүһү быраҕыы уонна туттуллар малы-салы тиэрдии былааннанар. Бүгүн биир баһаары умуруорар уонна биири бохсор былааннаахтар. Балаһыанньаны өрөспүүбүлүкэтээҕи уонна оройуоннааҕы суһал ыстааптар хонтуруолга туталлар. Нэһилиэнньэлээх пууннарга куттал суоһаабат».
0
0
Telegram @edersaas20