Ил Түмэн дьокутааттара Федерация Сэбиэтигэр Судаарыстыбаннай Мунньах бэрэстэбиитэлин бигэргэттилэр.
Федерация Сэбиэтигэр Ил Түмэн бэрэстэбиитэлинэн «Биир ньыгыл Арассыыйа» политическай баартыйа фракцията Александр Акимовы, «Сиэрдээх Арассыыйа» баартыйа фракцията Михаил Эверстовы туруорбуттара. Ол эрээри, бүгүн, алтыс ыҥырыылаах Ил Түмэн бастакы пленарнай мунньаҕар буолбут дьүүллэһиигэ Эверстов бэйэтин кандидатуратын устунарын эттэ. Кистэлэҥ куоластааһыҥҥа 60 куолаһы ылан, Александр Акимов сенаторынан салгыы үлэлиир буолла.
Ыспыраапка
Александр Константинович Акимов
Федерация Сэбиэтин федеративнай тутулга, эрэгийиэннээҕи бэлиитикэҕэ, олохтоох салайыныыга уонна Хотугу сир дьыалаларыгар кэмитиэт бэрэссэдээтэлин солбуйааччы. Федерация Сэбиэтигэр Саха Өрөспүүбүлүкэтин бэрэстэбиитэллээх уорганын бэрэстэбиитэлэ (2013 сыл алтынньытыттан).
1954 с. сэтинньи 10 к. төрөөбүтэ. Иркутскайдааҕы норуот хаһаайыстыбатын институтун, ССКП КК иһинэн Уопсастыбаннай наукалар академияларын аспирантуратын бүтэрбитэ. Экономика наукатын дуоктара, профессор. Александр Невскэй, Доҕордоһуу уонна «Бочуот знага» уордьаннар кавалердара.
Раиса Сибирякова, edersaas.ru