Александр Акимов: «Владимир Путин ылыммыт быһаарыныытын кытта толору сөбүлэһэбин»
Арассыыйа Федерациятын Саха Өрөспүүбүлүкэтиттэн сенатора Александр Акимов РФ Бэрэсидьиэнин Владимир Путин быһаарыныытын туһунан санаатын үллэстэр:
— Мин Арассыыйа Бэрэсидьиэнэ Владимир Путин ылыммыт быһаарыныытын кытта толору сөбүлэһэбин. Аҕыс сыллааҕыта мин Крым туһугар куоластаабытым уонна билигин 518-с мунньахха Луганскай уонна Донецкай норуодунай өрөспүүбүлүкэлэри билинэр туһугар куоластаатым – доҕордоһуу, бииргэ үлэлээһин уонна ЛНР-га уонна ДНР-га хардарыта көмөлөһүү туһунан сөбүлэһиилэргэ юридическай күүһү (ратификация) биэрэргэ.
Киев буруйу оҥорууга суудайар, Арассыыйаны маннык хардыыга күһэйэр эрэсиимин сэмэлиибин. Төһөлөөх киһи кинилэртэн эмсэҕэлээтэ! Биһиги бу өрөспүүбүлүкэлэр бэрэстэбиитэллэрин кытта көрсөн, төһөлөөх эрэйи көрбүттэрин итэҕэйдибит. Киев эрэсиимин бэлиитикэтин саралыыр оннугар Арҕаа дойдулар уонна НАТО Украинаны сэбинэн-сэбиргэлинэн хааччыйдылар. Манныгы таһаарар сатаммат, тоҕо диэтэххэ, демилитаризация уонна денацификация сыаллаах ыытыллар байыаннай эпэрээссийэ — кыһалҕаттан тахсар хардыы.
Ол эрээри биһиги Украина норуотун утарбаппыт. Украина – биһиги бырааттыы норуоппут, ыаллаһан уһуннук олордубут. Биһиги өрүү көннөрү дьону-сэргэни кытта үтүө сыһыаннаах этибит. Саха сиригэр элбэх украинец үлэлээбитэ уонна олорбута – бүтүн бөһүөлэктэринэн: Дьабарыкы Хайаҕа, Зырянкаҕа, Нерюнгрига украинецтар таас чоҕу, кыһыл көмүһү уонна алмааһы хостооһуҥҥа үлэлээбиттэрэ.
Биһиги элбэх омук түөлбэлээн олорор өрөспүүбүлүкэбитигэр ол туһунан үчүгэйдик билэллэр. Кинилэртэн үгүстэрэ Саха сиригэр олохсуйа хаалбыттара уонна кинилэр маннык анал ыксаллаах дьайыы үөскээбит балаһыанньаҕа олоҕуран ыытыллар диэн өйдүүр буолуохтаахтар.
#МыВместе #ВремяПомогать #СвоихНеБросаем #СахаДойдута