Алдан оройуонун баһылыга өрөспүүбүлүкэ коронавируһу сэрэтэр суһал штабыгар уонна ютубка видео-иһитиннэрии устан ыытта.
Баһылык Северин Поздняков: «Харантыын кэмигэр нэһилиэнньэ олоҕун-дьаһаҕын хааччыйар тэрилтэлэр эрэ үлэлииллэр. Испииһэктэрэ оҥоһуллубута. Ас-үөл, бытовой химия атыылыыр маҕаһыыннартан ураты бары сабылыннылар. Ону таһынан, Алдан куорат устун сатыы уонна массыынанан барыы-кэлии хааччахтанна. Харантыын эрэсиимин кэспит дьон ыстарааптаныахтара, эбэтэр административнай эппиэтинэскэ тардыллыахтара», — диэтэ.
Харантыын эрэсиимин кэспит массыыналары ыстарааптанар тохтобулга илдьиэхтэрэ. Маҕаһыыннар аһы-үөлү дьиэҕэ тиэрдэргэ үлэлэһиэхтэрэ. Алдан уулуссаларыгар бэрээдэги полиция үлэһиттэрэ көрүөхтэрэ.
Марианна Тыртыкова, «Саха сирэ» хаһыат, edersaas.ru
Хаартыска ysia.ru
+1
+1
+1
+1
+1
+1
+1