Алдан уонна Ленскэй санитарнай тэрилтэлэрэ тэрээһиннээхтик үлэлээтилэр

Бырабыыталыстыба бэрэссэдээтэлин  солбуйааччы Ольга Балабкина бүгүн, муус устар 10 күнүгэр,  өрөспүүбүлүкэҕэ балаһыанньа  туругун  видео-сибээс нөҥүө кэпсээтэ.

—Анаалыстары  Новосибирскайга бигэргэттэрэ ыыппат буоламмыт, Алдаҥҥа уонна Ленскэйгэ ыалдьыбыттар коронавирустаабыттарга түргэнник киллэрилиннилэр. Маныаха бу улуустар санитарнай тэрилтэлэрэ уонна балыыһалара суһаллык үлэлээннэр, ыалдьыбыт дьон,  дьиэ кэргэн  балыыһаҕа киирдилэр, барыларыттан анаалыс ылылынна. Роспотребнадзор бу дьон таксига уонна сөмөлүөккэ бииргэ айаннаан кэлбит дьоннорун быһаарда.

Өрөспүүбүлүкэ лабораториялара сөптөөхтүк уонна сыыспакка үлэлээннэр, анаалыстар “Векторга” ыытыллыбат  буоллулар диэн Ольга Балабкина бэлиэтээн эттэ.

Ньургуйаана Иванова, “Саха сирэ” хаһыат, edersaas.ru

Хаартыска: интэриниэттэн