Айылҕа харыстабыла

Алдан өрүскэ Күп аттыгар балык өлүгэ бөҕө тахсыбыт

Алдан өрүс барахсаны таптаабыттарынан киртитии сотору-сотору тахсар. Аны туран, бүгүн батсаап ситиминэн  Уус Маайа улууһун Күп нэһилиэгин аннынан балык өлүгэ бөҕө тахсыбытын хаартыскаҕа түһэрбиттэрэ тарҕанна.

СӨ Экологияҕа министиэристибэтин иһинэн Экология өттүнэн куттал суох буолуутугар департаменын салайааччытын солбуйааччы  Степан  Куличкинтан ыйыппыппытыгар, тута хонтуруолга ылбыттарын уонна  Уус Маайатааҕы айылҕа харыстабылын иниспиэксийэтин исписэлиистэрэ миэстэтигэр тугун-ханныгын билэ-көрө барбыттарын туһунан иһитиннэрдэ. Ону тэҥэ,  Алдан өрүстэн анаалыска уу боруобатын ылыахтара.

2
0